Lukha 6:38 - Siswati 1996 Bible

³⁸ “Phanini, nani nitawuphiwa tipho letingangcingcwa tigcwalise konkhe lebeningaphatsa ngako. Lesilinganiso lenilinganisa ngaso labanye nani Nkulunkulu uyakunilinganisa ngaso.”

Lukha 6:38 Referencias Cruzadas

2 Samuweli 19:36

Angikasifaneli sibongo lesikhulu kangaka. Ngako ngitakuphekeletela libangana nje, nasewewele iJordane.

Esta 7:10

Ngako Hamani walengiswa kuleso sigodvo bekasigawulele kulengisa Modekhayi. Kutfukutsela kwenkhosi kwabotja.

Esta 9:25

Kodvwa Esta waya enkhosini, inkhosi yakhipha umtsetfo lowawubhalwe phansi, lekwatsi umphumela wawo Hamani nemadvodzana akhe wavuna labekuhlanyelele emaJuda, yena nemadvodzana akhe balengiswa entsanjeni benekelwa live.

Jobe 42:11

Bonkhe bomnakabo, nabodzadzewabo, nabo bonkhe lababemati kucala beta kuye badla naye endlini yakhe. Bamkhalela, bamdvudvuta kuko konkhe loko kuhlupheka Simakadze labekuletse etikwakhe; kwatsi lowo nalowo wamupha luhlavu lwesiliva kanye nendandatho yegolide.

Tihlabelelo 79:12

Yebo, Simakadze, buyisela esifubeni sabomakhelwane betfu seyiphindvwe kasikhombisa lenhlamba labakuhlambalate ngayo.

Eksodusi 21:24

liso ngeliso, litinyo ngelitinyo, sandla ngesandla, lunyawo ngelunyawo,

Taga 10:22

Sibusiso saSimakadze lesenta umuntfu acebe, akengeti kuhlupheka kuso.

Taga 19:17

Lowo lopha lomphofu uboleka Simakadze; Simakadze uyakumvuza ngaloko lakwentile.

Taga 22:9

Lowephanako naye uyawubusiswa, ngobe kudla kwakhe ukudla netimphuya.

Jeremiya 32:18

Ubaphatsa ngelutsandvo labatinkhulungwane, kodvwa wehlisele sijeziso ngetono taboyise ematsangeni ebantfwababo emvakwabo. Awu Nkulunkulu, wena lomkhulu nalonemandla, lolibito lakhe kunguSimakadze longuSomandla,

Matewu 10:42

Ngulowo nalowo loyawunatsisa abe munye kulaba labancane nome yinye nje inkomishi yemanti, ngobe angumfundzi wami, ngicinisile, ngitsi kini: Ngeke alahlekelwe ngumvuzo wakhe.”

Matewu 7:2

Ngobe ngaloko kwehlulela lenehlulela ngako labanye, nani niyakwehlulelwa ngako; nangaleso silinganiso lenilinganisa ngaso, nani niyakulinganiswa ngaso.

Makho 4:24

Wachubeka watsi: “Caphelani inshokutsini yaloku lenikuvako. Leso silinganiso lenilinganisa ngaso nani niyawulinganiswa ngaso, nibuye nengetelwe futsi.

Lukha 6:30

Wonkhe locela lutfo kuwe, mnike; nangabe umuntfu atsatsa intfo yakho, ungamhambeli!

Dutheronomi 15:10

Mupheni ngaphandle kwenhlitiyo lebubulako nalenemagcubu; ngobe ngenca yaloko Simakadze Nkulunkulu wenu uyawunibusisa emsebentini wenu wonkhe nakuko konkhe lenikwenta ngetandla tenu.

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.

Tikhulu 1:7

Adoni Bhezeki wakhuluma watsi: “Emakhosi langema-70 labejutjwe titfupha tawo kanye naboqukulu bawo abevame kubutsa timvutfuluka ngaphansi kwelitafula lami. Nyalo Nkulunkulu sewungibuyisele ngaloko lengakwenta kubo.” Beta naye eJerusalema, wafike wafela lapho.