Lukha 6:25 - Siswati 1996 Bible

²⁵ “Maye kini nine lenesutsi manje, ngobe nisetawulamba. Maye kini nine lenihlekako nyalo, ngobe nisetawukhala nilile.

Lukha 6:25 Referencias Cruzadas

Tihlabelelo 49:19

utawuhamba aye kubakubo lase bafa, lapho kunebumnyama baphakadze.

Taga 14:13

Umuntfu angahleka nome inhlitiyo yakhe ibuhlungu; emvakweluhleko inhlitiyo isala solomane ilusizi.

Taga 30:9

Nangingaba nako kube kunyenti, ngingahle ngicabange kutsi wena angisakudzingi, ngidzimate ngitsi: “Ngubani yena loSimakadze?” Nome-ke nangingaba luphuya, ngingahle ngebe, ngaloko ngihlazise Nkulunkulu wami.

Umshumayeli 2:2

Ngabona, ngatsi: “Cha, kuhleka kubuhlanya. Yini nje lenhle ngekutijabulisa?”

Umshumayeli 7:3

Lusizi luncono kuneluhleko, ngobe buso lobudzabukile buyayilungela inhlitiyo.

Umshumayeli 7:6

Njengekusasamba kwemanyeva nakasha ngaphansi kwelibhodo, lunjalo-ke neluhleko lwetilima. Nako loko kulite.

Isaya 28:7

Nabo labo bayayendza ngenca yeliwayini, babhadzatele ngenca yetjwala, baphristi nebaphrofethi bayayendza ngenca yetjwala, basangene ingcondvo ngenca yeliwayini, badzayiteliswa tjwala, bayayendza nababona imibono, bayakhubatela nabakhipha tincumo.

Isaya 65:13

Ngako-ke naku lokushiwo yiNkhosi Simakadze, itsi: “Tinceku tami tiyawudla, kodvwa nine niyawulamba; tinceku tami tiyawunatsa, kodvwa nine niyawukoma; tinceku tami tiyawujabula, kodvwa nine niyawuhlazeka, nijabhe.

Isaya 8:21

Bayawukwehla benyuka eveni bajabhile futsi balambile, ngesikhatsi sebahwaywe yindlala, bayawuvutsa ngelulaka, babuke etulu, bacalekise inkhosi yabo kanye naNkulunkulu wabo.

Isaya 9:20

Ngesekudla bayawushwabudzela, kodvwa bachubeke balambe; ngesancele bayawudla, kodvwa bangeke besutse. Ngulowo nalowo uyakutondla ngenyama yentalelwane yakakhe;

Amose 8:10

Emadzili enu enkholo ngiyakuwagucula abe sililo, nako konkhe kuhlabela kwenu kube kukhala. Ngiyawunenta nonkhe nembatse emasaka, nihhule tinhloko tenu. Leso sikhatsi ngiyawusenta sifanane nesekulilela indvodzana letelwe yodvwa kabo. Lelo langa liyawugcina kabuhlungu kakhulu.”

Nahume 1:10

Bayawugigeleka bona emanyeveni, nasekudzakweni liwayini labo. Bayawushwabudzeleka njengemahlanga lomisiwe.

Lukha 12:20

Kodvwa Nkulunkulu watsi kuso: ‘Silima! Kulobusuku balamuhla umphefumulo wakho uyabitwa kuwe; pho, letintfo lesewutilungisile titawuba tabani?’

Lukha 13:28

“Lapho niyawukhala kudzimate kugedletele ematinyo, nanibona Abrahama, na-Isaka, naJakobe, nabo bonkhe baphrofethi embusweni waNkulunkulu nibe nine nivalelwe ngephandle.

Lukha 6:24

“Kodvwa maye, kubuhlungu kini nine leninjingile manje, ngobe phela seninako konkhe lokunijabulisako.

Lukha 6:26

Maye kini, nangabe wonkhe umuntfu ukhuluma kahle ngani; ngobe bokhokho babo bebenta njalo kubaphrofethi bemanga.”

Lukha 8:53

Bamane bamhleka bulima nje, ngobe besebati kutsi sewufile.

Kubase-Efesu 5:4

Akubete kungcola, nekwedzelela, nekuhhalatisa, lokutintfo letingakafaneli. Esikhundleni saloko banini nekubonga.

1 kubaseThesalonika 5:3

Ngesikhatsi bantfu batsi: “Kunekuthula nenhlalakahle,” ngekushesha lokukhulu kubhujiswa kuyawubatuma njengemhelo ufikela umfati nasatawubeleka; futsi kute loyawusindza.

YaJakobe 4:9

Khatsatekani, nidzabuke, nilile; kuhleka kwenu akugucuke kube kulila, nekujabula kwenu akube kujabha.

Sembulo 3:17

Wena utsi: “Nginjingile, nginako konkhe, angidzingi lutfo.” Kodvwa awati kutsi ungumuntfu wenhlupheko, newekuhawukelwa, uphuyile, uyimphumphutse, ungcunu.

1 Samuweli 2:5

Labo lababesutsa sebaticashisela kudla, kodvwa labo labebalambile abasalambi. Lowo labeyinyumba sewutele bantfwana labasikhombisa, kodvwa lowo labenebantfwana labanyenti sewuyandzindza.