Lukha 6:1 - Siswati 1996 Bible

¹ Jesu abehamba emasimini akolo ngeliSabatha. Bafundzi bakhe base bakha ematimba akolo, bawahlikihla ngetandla badla tinhlavu tawo.

Lukha 6:1 Referencias Cruzadas

Eksodusi 12:15

Simakadze wachubeka watsi: “Sinkhwa lesinembiliso ningabosidla kuze kuphele emalanga lasikhombisa; nibodla sinkhwa lesite imbiliso kuphela. Ngelilanga lekucala niboyisusa yonkhe imbiliso etindlini tenu, ngobe lotawudla lokufakwe imbiliso emkhatsini welilanga lekucala kuze kube lilanga lesikhombisa, utawuncunywa emkhatsini wesive sema-Israyeli.

Levithikusi 23:15

“ ‘Kusukela ngelilanga lelilandzela liSabatha, mhlazana niletsa sitfungo lesingumnikelo wekujikitiswa, nibobala emaviki lagcwele lasikhombisa.

Levithikusi 23:7

Ngelilanga lekucala lalomkhosi niyawuba nemhlangano longcwele, ningenti lutfo lolungumsebenti wenu.

Lukha 5:39

“Futsi losanatse liwayini lelidzala angabe asalifuna lelisha, angatsi: ‘Lelidzala lincono!’ ”

Lukha 6:6

Ngalelinye liSabatha Jesu wangena esinagogeni wafundzisa. Bekunendvodza leyayinesandla sangasekudla lesasishwaphene.

Dutheronomi 16:9

“Niyawubala emaviki lasikhombisa kusukela ekucaleni kwekuvunwa kwalokutinhlavu.

Dutheronomi 23:25

Nawungena ensimini yakolo kamakhelwane wakho, ungawakha ematimba ngetandla takho, kodvwa ungacali ufake lisikela kuleto tinhlanga takhe letisemile.”