Lukha 5:36 - Siswati 1996 Bible

³⁶ Jesu wabatjela nankhu umfanekiso: “Kute umuntfu longadzabula sicephu sengubo lensha achibele ngaso ingubo lendzala. Nakenta njalo, utabe udzabule ingubo lensha, lesicephu lesisha singeke sivane nalengubo lendzala.

Lukha 5:36 Referencias Cruzadas

Levithikusi 19:19

“ ‘Uyawugcina imiyalo yami. Awuyiwuvuma kutsi tinkhomati takho tekhwelwe tinkunzi talolunye luhlobo. Awuyiwuhlanyela ensimini yakho tinhlobo letimbili letehlukene. Ungembatsi lutfo lolwentiwe ngetinhlobo letimbili temtiya.

Lukha 5:35

Kodvwa sikhatsi siyeta lapho liyakwemukwa khona umkhwenyane walo; liyawuzila-ke lingadli kulawo malanga.”

Lukha 5:37

“Futsi kute umuntfu longatsela liwayini lelisha kuso sikhumbasikhwama lesidzala sigcwale. Nakente njalo, leliwayini lelisha lingapumuta lesikhumbasikhwama nalo licitseke, kufe nalesikhumbasikhwama sipumuke siphele.

2 kubaseKorinthe 6:16

Nhlanganyelo yini lesemkhatsini welithempeli laNkulunkulu netithico? Ngobe tsine silithempeli laNkulunkulu lophilako; njengobe Nkulunkulu watsi: “Ngiyawuhlala kubo, ngihambe emkhatsini wabo; ngiyawuba nguNkulunkulu wabo, bona bayawuba sive sami.”

Dutheronomi 22:11

“Ungayembatsi imphahla yensontfo leyelukwe yahlanganiswa nelineni.