Lukha 5:21 - Siswati 1996 Bible

²¹ Bafundzisi bemtsetfo nebaFarisi bacala bavungatela bakhuluma bodvwa batsi: “Ngubani lona lohlambalata Nkulunkulu? Ngubani longatsetselela tono ngaphandle kwaNkulunkulu?”

Lukha 5:21 Referencias Cruzadas

Tihlabelelo 103:3

Ungitsetselela lonkhe licala letono tami angelaphe tonkhe tifo tami.

Tihlabelelo 130:4

Kodvwa wena uyasitsetselela, kuze sitewuhlala ngekukwesaba.

Tihlabelelo 32:5

Ngasivuma kuwe sono sami, angizange ngisifihle siphambuko sami. Ngatsi: “Ngiyawutivuma kuSimakadze tono tami.” Wena walitsetselela licala lesono sami. Cabanga.

Tihlabelelo 35:5

Ababe njengemakhoba wona apheshulwa ngumoya, ingilosi yaSimakadze isabadvungulula.

Isaya 1:18

Simakadze utsi: “Wotani manje sitewubonisana. Nome tono tenu tibovu njengengati, titawuba mhlophe njengangcocwane, nome tibovu tju, titawuba mhlophe njengeboya bemvu.

Isaya 43:25

“Mine, ngimi, losusa tiphambuko takho ngenca yami, tono takho angiphindzi ngitikhumbule.

Isaya 44:22

Tikhubekiso takho ngitishanyele njengelifu. netono takho njengenkhungu yasekuseni. Buyela kimi, ngobe sengikuhlengile.”

Danyela 9:19

Awu Simakadze, lalela! Awu Simakadze, tsetselela! Awu Simakadze, vani, wente! Awu, Nkulunkulu wami, ngenca yakho mane ungete wabina, ngobe lidolobha lakho nesive sakho kubitwa ngeLibito lakho.”

Danyela 9:9

Simakadze Nkulunkulu wetfu unemusa nekutsetselela, nome nje sihlubukile kuye;

Levithikusi 24:16

Lowo lohlambalata libito laSimakadze uyawubulawa. Sive sonkhe siyawumgcoba ngematje. Yebo, nome lomuntfu wetive nome angum-Israyeli wengati, kodvwa nahlambalata libito laSimakadze, uyawubulawa.

Mikha 7:19

Uyawuphindze ube nemusa futsi kitsi. Tono tetfu utatigcobagcoba ngetinyawo utigcumukisele tishone ekujuleni kwelwandle!

Matewu 26:65

Nasasho loku, umPhristi Lomkhulu wadzabula tingubo takhe watsi: “Vele, sewuhlambalatile; asisabudzingi lobunye bufakazi, seniyivile inkhulumo yakhe lehlambalatako!

Matewu 9:3

Letinye tati temtsetfo takhuluma todvwana tatsi: “Lomuntfu uyahlambalata.”

Lukha 3:8

Vetani titselo letikhombisa kuphendvuka. Ningacali nicabange kutsi: ‘Abrahama ngukhokho wetfu.’ Ngiyanitjela ngitsi: Nkulunkulu angawatsatsa nalamatje awente titukulwane ta-Abrahama!

Lukha 5:17

Ngalelinye lilanga Jesu abefundzisa, baFarisi netati temtsetfo tihleti, tiphuma kuwo onkhe emadolobha aseGalile, naseJudiya, naseJerusalema. Emandla eNkhosi abenaye kutsi aphilise labagulako.

Lukha 5:22

Jesu wakubona lokubutana kwabo, wabaphendvula watsi: “Yini lena leniyibuta etinhlitiyweni tenu?

Lukha 7:49

Labanye labebahleti naye badla, bavungatela bodvwana batsi: “Ngubani lona lotsetselela netono?”

Johane 10:33

EmaJuda amphendvula atsi: “Kute umsebenti lomuhle lesifuna kukugcobela wona, kuphela nje kutsi wena uyahlambalata; ungatsi kantsi ungumuntfu nje nawe, ube sewutenta Nkulunkulu!”

KubaseRoma 8:33

Ngubani loyakumangalela bantfu baNkulunkulu labakhetsiwe? Kute: Ngobe ukhona Nkulunkulu lowenta umuntfu emukeleke kuye kutsi ulungile.