Lukha 4:42 - Siswati 1996 Bible

⁴² Jesu waphuma kuseluvivi kulelo dolobha waya lapho kungenabantfu khona. Bantfu base bacala kumfuna, batsi kube bamtfole, betama kumvimbela kutsi angabashiyi.

Lukha 4:42 Referencias Cruzadas

Makho 1:45

Kepha lomuntfu wahamba ayifafata lendzaba, yandza kakhulu, kangangekutsi Jesu abengasakhoni kungena nakulinye nje lidolobha abonwa bantfu. Abesatihlalela emaphandleni nje, kepha bantfu labanyenti babeta kuye bachamuka magangana onkhe.

Lukha 24:29

kodvwa bamcela batsi: “Hlala natsi sekuhlwile, futsi sekumnyama.” Ngako wangena wahlala nabo.

Lukha 6:12

Ngaleso sikhatsi Jesu wenyukela egcumeni ayewuthandaza, wacitsa busuku bonkhe khona lapho athandaza kuNkulunkulu.

Johane 4:34

Jesu waphendvula watsi: “Kudla kwami kukwenta intsandvo yalongitfumile, nekucedzela umsebenti wakhe langinike wona.

Johane 4:40

Atsi kube ete kuye emaSamariya, ase ayamncenga kutsi ase ahlalahlale nawo. Ngako-ke, wahlala khona emalanga lamabili.

Johane 6:24

Satsi kube sibone lesicumbi sebantfu kutsi Jesu nebafundzi bakhe abasekho lapho, sakhwela etikebheni saya eKhaphanawume, sifuna Jesu.