Lukha 4:25 - Siswati 1996 Bible

²⁵ “Lalelani la kimi, kuliciniso kutsi bekunebafelokati labanyenti ka-Israyeli ngesikhatsi sa-Elija, ngesikhatsi lingani iminyaka lemitsatfu netinyanga letisitfupha, kwase kuba khona indlala lenkhulu eveni lonkhe.

Lukha 4:25 Referencias Cruzadas

1 Emakhosi 17:1

Elija waseThishbe, labewekutalwa eThishbe kulakaGileyadi, wakhuluma ku-Ahabi watsi: “Ngelibito laSimakadze, Nkulunkulu lophilako wema-Israyeli, lengimkhontako, ngiyakutjela ngitsi kungeke kube khona ematolo ngisho nemvula kuleminyaka lembalwa letako, kuze kusho mine.”

Isaya 55:8

“Ngobe imicabango yami ayisiyo imicabango yenu, netindlela tenu akusito tindlela tami,” kusho Simakadze.

Matewu 20:15

Kantsi angikavumeleki yini kwenta lengikutsandzako ngalokukwami? Nome unemona ngekutsi ngiyephana?’

Lukha 10:21

Ngaso leso sikhatsi Jesu wajabula kuMoya Longcwele, watsi: “Yebo, Babe, Nkhosi yelizulu nemhlaba, konkhe loku utifihlele tati netihlakaniphi, kodvwa wakwembula kubantfwana. Yebo, Babe, loko kwaba yintsandvo yakho.

KubaseRoma 9:15

Ngobe watsi kuMosi: “Ngiyawuba nemusa kulowo lenginemusa kuye, ngibe nesihawu kulowo lenginesihawu kuye.”

KubaseRoma 9:20

Kodvwa-ke wena muntfu-ndzini, ungubani kutsi ungaphikisana naNkulunkulu? Ludziwo lungasho yini kumbumbi walo kutsi: “Wangibumbelani kanje?”

Kubase-Efesu 1:11

Nkulunkulu wasikhetsanchanti ngaye kutsi sibe lifa lakhe, yena lowenta konkhe ngekwentsandvo yakhe.

Kubase-Efesu 1:9

Nkulunkulu wakubona kufanele kutsi asatise imfihlakalo yentsandvo yakhe, labeyimisile ngaKhristu kwasekucaleni.

YaJakobe 5:17

Elija labengumuntfu afana natsi, wakhuleka ngekuncusa kutsi lingani, langete lana emhlabeni iminyaka lemitsatfu netinyanga letisitfupha.

Sembulo 11:6

Laba banemandla ekuvala litulu kutsi lingani ngesikhatsi sekuphrofetha kwabo. Banemandla etikwemanti kutsi bawagucule abe yingati. Banemandla futsi ekushaya umhlaba ngako konkhe kuhlupheka nome kukangaki, kuye njengekutsandza kwabo.