Lukha 3:9 - Siswati 1996 Bible

⁹ Lizembe selibekwe emphandzeni yetihlahla. Sonkhe sihlahla lesingatseli titselo letimnandzi, sitakugecwa siwe, bese silahlwa emlilweni.”

Lukha 3:9 Referencias Cruzadas

Hezekeli 31:18

“ ‘Ngutiphi taletihlahla tase-Edeni letingalinganiswa nawe ngebukhatikhati nangekuhlonipheka? Noko nawe, futsi, utakwehliswa kanye naletihlahla tase-Edeni niye emhlabeni longaphansi; uyawulala emkhatsini walabebangakasokwa, kanye nalababebulewe ngenkemba. “ ‘Lona nguFaro nato tonkhe tihlwele takhe temabutfo, kusho iNkhosi Simakadze.’ ”

Danyela 4:14

Samemeta ngelivi lelikhulu, satsi: ‘Sijube leso sihlahla, ucote emagala aso; phundla emacembe aso, usakate titselo taso. Tilwane letingaphansi kwaso atibaleke, netinyoni letisemagaleni aso tindize tisuke kuso.

Danyela 4:23

“Wena, nkhosi, ubone sitfunywa, lesingcwele, sehla siphuma ezulwini, sitsi: ‘Sijube leso sihlahla usibhubhise, kodvwa ushiye siphunti saso, siboshwe ngensimbi nangelitfusi etjanini besiganga, timphandze taso tisesele phansi emhlabatsini. Lomuntfu akanetfwe ngematolo asezulwini; akahlale njengetilwane tesiganga, kuze kwendlule tikhatsi letisikhombisa ngakuye.’

Matewu 3:10

Nanyalo lizembe libekiwe etimphandzeni tetihlahla, ngako-ke sihlahla lesingatseli titselo letihle siyajutjwa sifakwe emlilweni.

Matewu 7:19

Sonkhe sihlahla lesingatseli titselo letimnandzi, siyajutjwa, silahlwe emlilweni.

Lukha 13:6

Jesu wase ubatjela nankhu umfanekiso lotsi: “Lenye indvodza beyinesihlahla semkhiwa engadzeni yayo. Yaya kuyawufuna emakhiwa kulesihlahla, yakhandza kutsi kute.

Lukha 13:7

Ngako yase itsi esisebentini sayo sengadze: ‘Ase ubuke lesihlahla, sengite lapha iminyaka lemitsatfu ngitewukha emakhiwa kodvwa angiwakhandzi, sigece siwe! Yini siloku sichubeka sisebentisa lomhlabatsi mahhala?’

Lukha 13:9

Nangabe-ke sitsela nyakenye, kuyawuba ncono; kodvwa nasingatseli, utabe sewuyasijuba-ke.’ ”

Johane 15:6

Umuntfu longahlali kimi, uyawulahlwa ngephandle njengeligala, abune, ome, kufike bantfu batfote lamagala bayekuwabasa emlilweni, lapho afike ashe khona.

KumaHebheru 10:28

Umuntfu lowephula umtsetfo waMosi ufa ngaphandle kwekuhawukelwa, ngebufakazi bebantfu lababili nome labatsatfu.

KumaHebheru 12:29

ngobe loNkulunkulu wetfu ungumlilo locotfulako.