Lukha 3:8 - Siswati 1996 Bible

⁸ Vetani titselo letikhombisa kuphendvuka. Ningacali nicabange kutsi: ‘Abrahama ngukhokho wetfu.’ Ngiyanitjela ngitsi: Nkulunkulu angawatsatsa nalamatje awente titukulwane ta-Abrahama!

Lukha 3:8 Referencias Cruzadas

Nehemiya 5:11

Sheshani nibuyisele kubo emasimi abo, netivini tabo, netihlahla tabo tetitselo temincumo, netindlu tabo kanye nalentalo lenibabite yona, lekuyincenye yelikhulu yemali, neyekudla, neyeliwayini lelisha kanye neyemafutsa.”

Hezekeli 33:24

“Ndvodzana yemuntfu, bantfu labahlala kulawo madzibikelo eveni laka-Israyeli, batsi: ‘Abrahama bekunguye yedvwa, noko lonkhe lelive belilakhe. Kodvwa tsine sibanyenti; nakanjani lelive linikwe tsine kutsi libe letfu.’

Matewu 21:43

“Ngako-ke, nginitjela kutsi: Umbuso waNkulunkulu uyawutsatfwa kini, unikwe bantfu labayawutsela titselo letifanele. [

Matewu 3:8

Vetani titselo letikhombisa kuphendvuka.

Matewu 3:9

Ningatiyengi nje nitsi: ‘Sinaye Abrahama longubabe wetfu,’ ngobe ngiyanitjela ngitsi: Nkulunkulu angamvusela Abrahama bantfwana kulamatje.

Lukha 13:25

“Umnikati wendlu nasekasukumile wavala umnyango, niyakuma ngephandle ninconcotse nitsi: ‘Nkhosi, sivulele umnyango!’ Uyakuniphendvula atsi: ‘Anginati lapho niphuma khona!’

Lukha 13:26

Niyawube seniphendvula nitsi: ‘Sadla, sanatsa nawe; wafundzisa futsi, etitaladini telidolobha lakitsi.’

Lukha 14:9

Bese lona lonimemile uta kuwe utsi: “ ‘Ase ukhweshele nangu, ahlale lapha.’ Ngako uyawuba nemahloni ngekwehliselwa endzaweni lephansi.

Lukha 19:40

Jesu wabaphendvula watsi: “Ngiyanitjela ngitsi: Nababindza laba, ematje lucobo atawumemeta.”

Lukha 19:9

Jesu wase utsi kuye: “Lamuhla seyifikile insindziso kulomuti; ngobe phela lendvodza nayo isitukulwane sa-Abrahama.

Lukha 5:21

Bafundzisi bemtsetfo nebaFarisi bacala bavungatela bakhuluma bodvwa batsi: “Ngubani lona lohlambalata Nkulunkulu? Ngubani longatsetselela tono ngaphandle kwaNkulunkulu?”

Johane 8:33

Baphendvula batsi: “Tsine siyintalelwane ya-Abrahama. Asizange sesibe tigcili temuntfu. Usho kutsini-ke nawutsi: ‘Nitawuba ngulabakhululekile’?”

Johane 8:39

Bamphendvula batsi: “Babe wetfu ngu-Abrahama.” Jesu wabaphendvula watsi: “Kube benibantfwana ba-Abrahama ngempela, ngabe nenta imisebenti ya-Abrahama.

Imisebenti yebaPhostoli 26:20

kodvwa ngashumayela kusukela khona eDamaseko, naseJerusalema, nakulo lonkhe laseJudiya nakubetive ngimemetela kutsi abaphendvuke babuyele kuNkulunkulu bente imisebenti lekhombisa kuphendvuka.

KubaseRoma 4:16

Ngako-ke setsembiso semukelwa ngekukholwa, khona konkhe kuyawuba ngemusa waNkulunkulu, ngaleyo ndlela-ke setsembiso siphiwe wonkhe umuntfu loyintalo ya-Abrahama. Lentalo ya-Abrahama-ke akusibo labo labagcina umtsetfo nje kuphela, kodvwa ngibo nalabo labakholwa njengaye. Abrahama ungubabe wetfu sonkhe,

KubaseRoma 9:7

Akusibo bonkhe lababantfwana ba-Abrahama ngekutsi basitukulwane sakhe, kodvwa kutsiwa: “Situkulwane sakho siyakwetsiwa nga-Isaka.”

KubaseFiliphi 1:11

Nitsele inala yetitselo tekulunga letingaye Jesu Khristu, kube yinkhatimulo neludvumo kuNkulunkulu.