Lukha 3:13 - Siswati 1996 Bible

¹³ Wabatjela watsi: “Ningabe nisatselisa ngalokungetulu kweyemtsetfo.”

Lukha 3:13 Referencias Cruzadas

Tihlabelelo 18:23

Bengisolo ngite sici embikwakhe, ngitigcinile ngangete ngona.

Taga 28:13

Umuntfu lofihla tono takhe angeke aphumelele; kodvwa lotivumako atishiye uyawutfola umusa.

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Matewu 7:12

“Ngako-ke konkhe lenifisa kutsi bantfu bakwente kini, kwenteni nani kubo; ngobe ngulowo umgogodla wemtsetfo newemfundziso yebaphrofethi.”

Lukha 19:8

Zakewu wasukuma watsi eNkhosini: “Nkhosi, ngiyawukhipha incenye yalenginako ngenetise labaswele; futsi nakukhona lengimdlelele, ngitakubuyisela sekuphindvwe kane.”

Lukha 3:12

Labanye batselisi beta nabo kutakubhajatiswa, bafike bambuta batsi: “Mfundzisi, kufanele sente njani?”

Lukha 3:14

Emabutfo nawo ambuta atsi: “Tsine-ke? Sifanele sente njani?” Watsi-ke yena kubo: “Ningemuki muntfu imali yakhe ngemacebo, yeneliswani ngumholo wenu.”

1 kubaseKorinthe 6:10

nemasela, nalababukhali, netidzakwa, nalabetfukako, netigebengu, bangeke balidle lifa lembuso waNkulunkulu.

Kubase-Efesu 4:28

Lisela alingabe liseba, kepha kunaloko alikhutsale, lisebente lokuhle ngetandla talo, khona litewuba nako lelingahle likwabele labadzingako.

KumaHebheru 12:1

Ngako-ke, njengobe situngeletwe sicumbi lesikhulu kangaka sabofakazi, asilahle konkhe lokusindzako, nesono lesigigelana njengelwanca. Asigijime ngekucinisela kulomncintiswano losembikwetfu,