Lukha 23:56 - Siswati 1996 Bible

⁵⁶ Base babuyela ekhaya bayawulungisa emakha nemafutsa ekugcobisa sidvumbu. Baphumula ngeliSabatha, njengobe kusho umtsetfo.

Lukha 23:56 Referencias Cruzadas

2 Tikhronike 16:14

Wafihlwa ethuneni labetakhele lona eDolobheni laDavide. Bamfaka eluhlakeni lolwalufakwe imitsi yekugcina sidvumbu, bafaka netinhlobonhlobo temakha, base babasa imbutfuma yemlilo yekumlilela.

Eksodusi 31:14

Kufanele nigcine liSabatha ngobe lingcwele kini; wonkhe umuntfu longaligcini kufanele abulawe. Lowo losebenta ngalelo langa kufanele ancunywe kubantfu bami.

Makho 16:1

Emvakwelilanga leliSabatha boMariya waseMagdala, naMariya, unaboJakobe, naSalome batsenga emakha bentela kuya bayewugcobisa ngawo sidvumbu saJesu.

Lukha 24:1

Ekuseni kuseluvivi ngeliSontfo, lilanga lekucala evikini, bafati baya ethuneni baphetse emakha lababewalungisile.

Dutheronomi 5:14

kodvwa lilanga lesikhombisa liSabatha kuSimakadze Nkulunkulu wakho. Awuyikuwenta umsebenti, wena, nendvodzana yakho, nendvodzakati yakho, nenceku yakho, nencekukati yakho, nenkhabi yakho, nembongolo yakho, nome ngusiphi setifuyo takho, newetive lokakho, khona inceku yakho nencekukati yakho batewuphumula, njengawe.