Lukha 23:5 - Siswati 1996 Bible

⁵ Kodvwa baphikelela ngemandla batsi: “Lomuntfu ususa lutfutfuva emkhatsini webantfu ngalemfundziso yakhe! Wacala eGalile, wadzabula iJudiya yonkhe, manje sewuze wefika nalapha.”

Lukha 23:5 Referencias Cruzadas

Tihlabelelo 22:16

Yebo-ke, tinja tingihace ndzawo tonkhe, nesicumbi salababi singitungeletile, singibhobose tandla netinyawo.

Tihlabelelo 57:4

Ngisemkhatsini wemabhubesi, labantfu labashwabudzelanako. Ematinyo awo atikhali nemicibisholo, tilwimi tawo tinkemba letikhaliphako.

Tihlabelelo 69:4

Banyenti kunetinwele tenhloko yami badlanga ngemandla labafuna kungibulala, labo labangitondza ngelite. Ngiphocelelwani kutsi ngikhishiswe intfo lengingakayebi?

Matewu 11:1

Kwatsi kube Jesu acedze kuyala bafundzi bakhe labebali-12, wesuka lapho wayawufundzisa ashumayela emadolobheni akuleyo ndzawo.

Matewu 2:1

Kwatsi kube kutalwe Jesu eBhetlehema esigodzini saseJudiya ngesikhatsi Herodi ayinkhosi, kwefika tati eJerusalema tiphuma emphumalanga,

Matewu 27:24

Watsi kube abone Philatu kutsi kute langaphindze akwente, nekutsi sekusuka siphitsiphitsi, watsatsa emanti, wageza tandla embikwebantfu bonkhe watsi: “Anginacala ngengati yalomuntfu! Tiboneleni nine!”

Matewu 4:23

Jesu walihamba lonkhe laseGalile, afundzisa emasinagogeni abo, ashumayela liVangeli lembuso, aphilisa bantfu kuto tonkhe tifo nasekuguleni kwabo.

Makho 1:14

Emvakwekuboshwa kwaJohane Jesu waya eGalile, ahamba ashumayela liVangeli laNkulunkulu.

Lukha 11:53

Nasesuka kuleyo ndzawo, tati temtsetfo nebaFarisi bacala kumchukuluta bacondze kumcansula ngekumbuta imibuzo leminyenti ngetintfo letinyenti.

Lukha 23:23

Kodvwa bajinge bachubeka bamemeta kakhulu batsi Jesu kufanele abetselwe esiphambanweni. Ekugcineni kumemeta kwabo kwaphumelela.

Lukha 23:6

Nakeva loko Philatu, wabuta watsi: “UngumGalile yini lomuntfu?”

Johane 1:43

Ngakusasa Jesu watimisela kuya eGalile. Watfola Filiphu watsi kuye: “Ngilandzele.”

Johane 19:15

Bamemeta kakhulu batsi: “Msuse! Msuse! Mbetsele esiphambanweni!” Philatu wababuta watsi: “Ngibetsele inkhosi yenu esiphambanweni?” Baphristi labakhulu bamphendvula batsi: “Site tsine lenye inkhosi ngaphandle kwaKhesari!”

Johane 2:11

Jesu wenta lesibonakaliso sakhe sekucala eKhana laseGalile, wabonakalisa bukhosi bakhe, bafundzi bakhe bakholwa nguye.

Johane 7:41

Labanye batsi: “UnguKhristu.” Kodvwa labanye batsi: “Kungenteka yini kutsi Khristu avele eGalile?

Johane 7:52

Bamphendvula batsi: “Wo, kantsi nawe uphuma eGalile yini? Asewuphenye kahle imiBhalo, utawukhandza kutsi akukho mphrofethi loyawuvela eGalile.” [

Imisebenti yebaPhostoli 10:37

Niyayati nalendzaba lenkhulu leyenteka eJudiya lonkhe, kusukela eGalile, ngemuva kwembhabhatiso lowawuyinshumayelo yaJohane.

Imisebenti yebaPhostoli 23:10

Kuphikisana kwandza, kwadzimate kwashuba ngemandla kangangekutsi khenela waze wesaba kutsi Pawula bangahle bamdzabule ticucwana. Ngako-ke watfuma emasotja kutsi ewuke aye kulomhlangano efike amtsatse ngendluzula ayemfaka emalawini emasotja.

Imisebenti yebaPhostoli 5:33

Batsi nabakuva loko, batfukutsela kakhulu, bancuma kutsi babulawe.

Imisebenti yebaPhostoli 7:54

Liqoqo letiphatsimandla lisalalele Stefano latfukutsela kakhulu, lacucudza imihlatsi.

Imisebenti yebaPhostoli 7:57

Bamemeta kakhulukati bavala tindlebe tabo, bamtselekela bonkhe kanyekanye,