Lukha 23:35 - Siswati 1996 Bible

³⁵ Bantfu bema babukela, kodvwa baholi bemaJuda bamhhalatisa, bamphukuta, bahlekisa ngaye, batsi: “Wabasindzisa labanye; ake atisindzise naye, nangabe anguKhristu lokhetfwe nguNkulunkulu!”

Lukha 23:35 Referencias Cruzadas

Tihlabelelo 22:17

Sengondze ngingumbambotiyabalwa, bayangigolotela bangihheletele.

Tihlabelelo 35:15

Kodvwa kwatsi nangikhubeka ngiwa, batsakasa, bahlangana ndzawonye; bahlanganela kumelana nami, tinkhubela lengingatati tingihlanganyela tinginyembenye siphelane.

Tihlabelelo 4:2

Madvodza! Kuyawuze kube ngunini libito lami linyembenywa? Kuyawuze kube ngunini nitfungatsa lite nilandzelana nemanga? Cabanga.

Tihlabelelo 69:26

Ngobe lowo loshaywe nguwe bayamtingela bamhluphe, bakhuluma ngebuhlungu balabo labalinyatwe nguwe,

Tihlabelelo 71:11

batsi: “Nkulunkulu umlahlile, asimtingele size simbambe, ngobe kute longaphindze amsindzise.”

Isaya 42:1

Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.

Isaya 49:7

Naku lokushiwo nguSimakadze, uMhlengi, naLongcwele waka-Israyeli, kuye lowake wedzelelwa wenyanywa sive, kuyo inceku yebabusi, utsi: “Emakhosi ayawukubona asukume, tikhulu tiyawukubona tikhotsame, ngenca yaSimakadze lowetsembekile, Longcwele waka-Israyeli, lokukhetsile.”

Isaya 53:3

Yedzelelwa yaliwa bantfu, umuntfu wetinsizi labekwetayele kuhlupheka. Njengemuntfu bantfu labangafuni kumbuka, yedzelelwa, asizange siyishaye mkhuba.

Sililo 3:14

Ngagucuka ngaba yintfo yekuhlekisa kubo bonkhe bantfu, bahlabela tingoma ngami bangihaya lonkhe lilanga.

Zakhariya 12:10

“Ngiyawutfululela etikwendlu yakaDavide nasetikwabo bonkhe labahlala eJerusalema Moya wemusa newekuncusa. Bayakumbuka lowo lebamgwaza, bese bayamlilela njenganakulilelwa umntfwana lotelwe waba yedvwa kabo, bamdzabukele kakhulu, njengemuntfu nakadzabukela indvodzana yematubulo.

Matewu 12:18

“Nansi inceku yami lengiyikhetsile, lotsandzekako wami, lotfokota ngaye umphefumulo wami. Ngiyawubeka Moya wami etikwakhe, amemetele kwehlulela kubetive.

Matewu 3:17

Kusenjalo kwevakala livi livela ezulwini litsi: “Lena yiNdvodzana yami, letsandzekako, lengijabula ngayo.”

Lukha 16:14

BaFarisi nabakuva loku, bamphukuta Jesu, ngobe phela babeyitsandza imali.

Lukha 23:13

Philatu wabita umhlangano webaphristi labakhulu, nebaholi, nebantfu.

Lukha 23:39

Lesinye saletigelekece letatilengisiwe setfuka Jesu satsi kuye: “Awusiye yini Khristu? Tisindzise wena kanye natsi!”

1 yaPhetro 2:4

Sondzelani eNkhosini, ngobe yona ilitje leliphilile lelaliwa bantfu, batsi alinamsebenti, kepha lakhetfwa nguNkulunkulu njengelitje leliligugu.