Lukha 22:35 - Siswati 1996 Bible

³⁵ Wase utsi Jesu kubo: “Mhlazana nginitfuma ngitsi ningaphatsi sipatji, nesikhwama, neticatfulo, nake neswelani?” Baphendvula batsi: “Kute lesakweswela.”

Lukha 22:35 Referencias Cruzadas

Genesisi 48:15

Jakobe wabe sewubusisa Josefa, watsi: “Shangatsi Nkulunkulu wabobabe, lowakhontwa bo-Abrahama na-Isaka, yena loNkulunkulu longihole kuyo yonkhe imphilo yami, kwaze kwaba ngulamuhla, angababusisa labafana.

1 Emakhosi 11:22

Faro wambuta watsi: “Yini loyeswelako lapha, kutsi ungaze ucele kuhamba ubuyele eveni lakini?” Hadadi wamphendvula watsi: “Kute, kodvwa ngikhulule ngihambe!”

Tihlabelelo 23:1

Simakadze ngumelusi wami, ngeke ngeswele lutfo.

Tihlabelelo 37:3

Tsemba kuSimakadze, wente lokuhle, uhlale eveni, uve bumnandzi bekudla emadlelweni laluhlata.

Lukha 10:4

“Ningasiphatsi sipatji nome sikhwama salabacelako, nome ticatfulo; ningalitjatiswa ngisho nakubingelela bantfu endleleni.

Lukha 22:34

Jesu waphendvula watsi: “Phetro, ngikutjela kutsi: Lamuhla lichudze litawukhala sewungiphike katsatfu utsi awungati.”

Lukha 22:36

Jesu watsi: “Kodvwa lowo lonesipatji nalonesikhwama, akasitsatse; nalowo longenankemba, akatsengise lijazi lakhe atsenge inkemba.

Lukha 9:3

Watsi kubo: “Ningaphatsi lutfo lwalendlela, ningaphatsi naludvondvolo lwekudvondvolotela, nemgodla wetihambi, nekudla, nemali, ngisho nemphahla yekuntjintja.

2 kubaseKorinthe 8:15

NemBhalo utsi: “Lowo lowabutsa lokunyenti, akazange abe nenala; nalowo lowabutsa kwaba kuncane, akazange eswele.”

Dutheronomi 8:16

Wanipha imana kutsi nitewudla ehlane, intfo boyihlo lababengazange sebayati, entela kunitfobisa anivivinye, khona kutawutsi ekugcineni kunihambele kahle.