Lukha 22:32 - Siswati 1996 Bible

³² Noko sengikukhulekele, Simoni, kuze kungehluleki kukholwa kwakho. Nase uphendvukile wabuya kimi, kufanele ucinise nalabanakenu.”

Lukha 22:32 Referencias Cruzadas

Matewu 18:3

watsi: “Ngicinisile, ngitsi kini: Naningaphendvuki nibe njengebantfwana, ningeke ningene embusweni welizulu.

Matewu 26:75

Phetro wase uyawakhumbula emavi aJesu ngesikhatsi atsi: “Lichudze litakutsi likhala, utakube sewungiphike katsatfu.” Wase uphumela ngephandle, wakhala kabuhlungu.

Makho 14:72

Masinyane lichudze lakhala kwesibili. Nembala Phetro wawakhumbula emagama aJesu ngesikhatsi atsi kuye: “Lichudze lingakakhali kwesibili wena utawube sewungiphike katsatfu.” Wadzabuka kakhulu enhlitiyweni yakhe, wakhala.

Makho 16:7

Hambani nitjele bafundzi bakhe kanye naPhetro kutsi sewusembili, uya eGalile. Nitambona khona, njengobe anitjela.”

Lukha 8:13

Kuhlanyelwa kwaleyo leyawela emhlabatsini losemadvwaleni kufanekisa labo labatsi nabalivako livi laNkulunkulu balemukele ngekutfokota, kodvwa ngenca yekungalijulisi kwabo etinhlitiyweni tabo, bakholwa sikhashana. Kutsi kungefika kulingwa, bese balilahla phansi.

Johane 14:19

Kodvwa sekusele sikhashana live lingabe lisangibona, noko nine niyawungibona, ngobe mine ngiphila, nani futsi niyawuphila.

Imisebenti yebaPhostoli 3:19

Ngako, phendvukani, nibuyele kuNkulunkulu, kuze esule licala letono tenu,

KubaseRoma 8:32

Yena longazange ayigodle iNdvodzana yakhe, kodvwa wayinikela ngenca yetfu sonkhe, pho, akayusinika yini tonkhe tintfo mahhala kanye nayo?

KubaseRoma 8:34

Pho, kukhona yini longahle abalahle ngelicala? Kute: Ngobe ukhona Khristu Jesu lowafa, kodvwa wavuswa waphila, sewungesekudla saNkulunkulu, nguye losincuselako.

2 kuThimothi 2:18

lese baphambukile ecinisweni batsi kuvuka kulabafile sekwendlula. Bacitsisa labanye kukholwa kwabo.

kuThithusi 1:1

Lencwadzi iphuma kuPawula, sisebenti saNkulunkulu, nemphostoli waJesu Khristu. Ngitfunyelwe kwakha kukholwa kwalabakhetsiwe baNkulunkulu ngibafundzise lwati lweliciniso ngekwesaba Nkulunkulu.

KumaHebheru 12:15

Nicaphelisise kutsi kubete lophunyulako emseni waNkulunkulu; kubete “imphandze lenashevu” lemila ibange luhlupho, ibulale labanyenti.

KumaHebheru 7:25

Ngako-ke unawo emandla ekubasindzisa ngalokuphelele labo labasondzela ngaye kuNkulunkulu, njengobe yena aphilela kubancusela ngaso sonkhe sikhatsi.

1 yaPhetro 1:1

Lencwadzi iphuma kuPhetro, umphostoli waJesu Khristu; iya kulabakhetsiwe lababakhoseli labasakatekele ePhontusi, naseGalathiya, naseKhaphadosiya, nase-Asiya, naseBhithiniya.

1 yaPhetro 1:13

Ngaloko-ke bophani tinkhalo tengcondvo yenu, nititsibe, netsembe ngalokuphelele umusa lenitakwabelwa wona ekwembulweni kwaJesu Khristu.

1 yaPhetro 1:5

Nkulunkulu uyawunigcina ngemandla akhe, njengobe nimetsemba, kube kusindziswa lokutakwembulwa ngesikhatsi sekugcina.

2 yaPhetro 3:14

Ngako-ke, batsandzekako, njengobe nisalindzele leto tintfo, yentani konkhe lokusemandleni enu, kutsi anikhandze ninekuthula, ningenasici ningenabala.

1 yaJohane 2:19

Baphuma emkhatsini wetfu, kodvwa babevele bangesibo bakitsi, ngobe kube bebabakitsi, ngabe bachubeka kanye natsi. Noko kwakufanele kutsi kubonakale kutsi kute namunye wabo labewakitsi.