Lukha 22:22 - Siswati 1996 Bible

²² vele, iNdvodzana yeMuntfu itawufa, njengobe kwamiswa, kodvwa maye kulowo muntfu loyitsengisako!”

Lukha 22:22 Referencias Cruzadas

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

Zakhariya 13:7

“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”

Matewu 26:24

INdodzana yeMuntfu itawufa kambe, njengobe kubhaliwe ngayo, kepha maye kulowo muntfu, iNdvodzana yemuntfu letawutsengiswa nguye! Bekuyawuba ncono kulowo muntfu kube fane akatalwanga!”

Matewu 27:5

Judasi wasakata phansi lemali ethempelini, wahamba wayawutikhunga.

Makho 14:21

Vele kambe iNdvodzana yeMuntfu itawufa, njengobe kubhaliwe ngayo; kodvwa maye kulowo muntfu iNdvodzana yeMuntfu letawutsengiswa ngaye! Bekuyawuba ncono kulowo muntfu kube mane akatalwanga.”

Lukha 22:23

Bacala babutana bodvwana kutsi ngubani emkhatsini wabo labetakwenta loko.

Lukha 24:46

Watsi kubo: “Naku lokubhaliwe kutsi Khristu ufanele kuhlupheka abulawe abuye avuswe ekufeni ngelilanga lesitsatfu,

Johane 17:12

Ngisesenabo, ngabalondvolota egameni lakho lowangipha lona. Ngabalondvolota, kwabate ngisho namunye emkhatsini wabo lowalahleka, ngaphandle kwalowo labesafanele kulahlwa, kuze kugcwaliseke imiBhalo.

Imisebenti yebaPhostoli 10:42

Wasitfuma kutsi sishumayele kubantfu, sifakaze nekutsi nguye lokhetfwe nguNkulunkulu kutsi abe nguMehluleli walabaphilako nalabafile.

Imisebenti yebaPhostoli 17:31

ngobe umisile lilanga lapho ayakwehlulela khona umhlaba wonkhe ngeliciniso lelimsulwa ngemuntfu munye lamkhetsile; ngaye sewuvete siciniseko kubantfu bonkhe ngekutsi amvuse kulabafile.”

Imisebenti yebaPhostoli 2:23

Nkulunkulu ngekwatinchanti kwakhe nangentsandvo yakhe abesakumisile kutsi Jesu uyawuniketwa kini; nine-ke nambulala ngekumbetsela esiphambanweni ngetandla tetoni.

1 yaPhetro 1:11

Moya waKhristu abesavele asebenta kubo abakhombisa tinhlupheko lebetitakwehlela Khristu; waphindze wabakhombisa nebukhosi lobebutawulandzela leto tinhlupheko. Babehlolisisa kutsi kuyakwenteka nini loko, nekutsi kuyakwenteka kanjani.

2 yaPhetro 2:3

Ngenca yebudli babo bayawutsengiselana ngani ngemavi ebucili. Kusukela emandvulweni kulahlwa kwabo akulibali, nekubhujiswa kwabo akweteli.