Lukha 21:37 - Siswati 1996 Bible

³⁷ Emini Jesu abefundzisa ethempelini, bese kutsi ebusuku ayewukhosela eNtsabeni Yemincumo.

Lukha 21:37 Referencias Cruzadas

Zakhariya 14:4

Ngalelo langa tinyawo takhe tiyakuma etikweNtsaba Yemincumo, ngasemphumalanga kweJerusalema, bese kutsi leNtsaba Yemincumo ichekeke ekhatsi kusukela ngasemphumalanga kuye ngasenshonalanga, kwakheke sigodzi lesikhulu, incenye yalentsaba iyawukhweshela ngasenyakatfo, kutsi incenye lenye ikhweshele ngaseningizimu.

Matewu 21:1

Batsi kube basondzele eJerusalema, sebefikile eBhethifage, ngaseNtsabeni Yemincumo, Jesu watfuma bafundzi bakhe lababili,

Matewu 21:17

Jesu waphuma kulelo dolobha wabashiya, waya eBhetani, lapho wefika walala khona.

Matewu 26:30

Batsi sebacedze kuhlabela liculo lekubonga, baphuma baya eNtsabeni Yemincumo.

Matewu 26:55

Ngaleso sikhatsi Jesu watsi eticukwini: “Bekudzingeke ngani kutsi nite netinkemba kanye netindvuku kutengibopha shangatsi ngisigebengu? Bengihleti nani ethempelini onkhe emalanga ngifundzisa, kodvwa anizange seningibophe.

Makho 11:12

Ngakusasa nase babuya eBhetani, Jesu wativa asalambile.

Makho 11:19

Kwatsi nakuhwalala Jesu nebafundzi bakhe baphuma edolobheni laseJerusalema.

Makho 14:49

Imihla nemalanga bengihlala nani ethempelini ngifundzisa, anizange seningibophe. Kodvwa kufanele kugcwaliseke umBhalo.”

Lukha 19:29

Kwatsi lapho Jesu asasondzela eBhethifage naseBhetani, eNtsabeni yetihlahla temiNcumo, watfumela bafundzi lababili,

Lukha 19:37

Nase asatawufika, edvute neJerusalema, lapho indlela yehlela khona eNtsabeni Yemincumo, sicuku lesikhulu sebafundzi bakhe sacala sabonga Nkulunkulu samemeta kakhulu, njengobe base babone timangaliso letikhulu,

Lukha 19:47

Jesu abefundzisa ethempelini onkhe emalanga. Baphristi labakhulu nebafundzisi bemtsetfo, nebaholi bebantfu bamtingela bafuna kumbulala,

Lukha 22:39

Jesu wesuka wahamba, waya eNtsabeni Yemincumo njengobe abevamile; nebafundzi bakhe bahamba naye.

Johane 12:1

Kwatsi sekusele emalanga lasitfupha kufike lilanga leliPhasika, wefika Jesu eBhetani, lapho bekunaLazaro khona, lona lamvusa kulabafile.

Johane 18:2

Judasi, lowamtsengisa, naye bekayati leyo ndzawo. Phela Jesu abevamise kuhlanganela khona nebafundzi bakhe.

Imisebenti yebaPhostoli 1:12

Baphostoli besuka eNtsabeni Yemincumo babuyela eJerusalema, kulibangana nje lelingaphansana kancane kwelikhilometha.