Lukha 21:12 - Siswati 1996 Bible

¹² “Noko, ngembili kwako konkhe loku niyawutingelwa, niboshwe niletfwe emasinagogeni, nibekwe emacala bese nifakwa emajele; niyawuletfwa embikwemakhosi nebabusi ngenca yelibito lami.

Lukha 21:12 Referencias Cruzadas

Matewu 22:6

Letinye timenywa tabamba letisebenti, tatiphatsa dlephu, tatishaya, tatibulala.

Matewu 24:8

Konkhe loku kukucala kwemihelo.

Lukha 21:11

Kuyawuba nekutamatama kwemhlaba lokwesabekako lokunyenti, kuvame indlala netifo letingelapheki naletitsatselwanako etindzaweni letinyenti, kube netesabekiso netibonakaliso letikhulu letivela esibhakabhakeni.

Johane 15:20

Khumbulani livi lenganitjela lona kutsi: ‘Kute sisebenti lesikhulu kunemcashi waso.’ Nangabe mine bangihlupha, nani futsi bayawunihlupha; nangabe bawagcina emavi ami, newenu bayakuwagcina.

Johane 15:21

Kodvwa konkhe loku bayawukwenta ngobe nilivuma ligama lami, ngobe futsi bangamati nalona longitfumile.

Imisebenti yebaPhostoli 22:30

Khenela watsandza kwati kahle-hle kutsi emaJuda abembeka licala lani loPawula. Ngako-ke ngakusasa watsi akatfukululwe tinketane. Wase ubita umhlangano wetikhulu tebaphristi kanye nalo lonkhe Liqoqo. Waletsa Pawula embikwabo.

Imisebenti yebaPhostoli 5:40

Base bangenisa baphostoli, babashaya babayala futsi kutsi bangaphindzi bakhulume ngelibito laJesu, base bayabakhulula.

Imisebenti yebaPhostoli 8:3

Kodvwa Sawula wetama kulibhubhisa libandla, aphuma angena tindlu ngetindlu, awahudvula emakholwa, labadvuna nalabasikati, abafaka ejele.

Imisebenti yebaPhostoli 9:4

Washayeka phansi, weva livi litsi kuye: “Sawula! Ye Sawula! Ungihluphelani?”

1 yaPhetro 2:13

Tfobelani bonkhe bantfu labasetikhundleni; loko nikwente ngenca yeNkhosi: uMbusi, ngobe mukhulu,

Sembulo 2:10

Ungakwesabi loko lotakuhluphekela. Buka la, Sathane utawufaka labanye benu ejele, kuze nitewuvivinywa; nitawuhlushwa emalanga lalishumi. Yetsembeka kuze kube ngusekufeni, ngiyawukupha umchele wekuphila.