Lukha 2:9 - Siswati 1996 Bible

⁹ Ingilosi yeNkhosi yabonakala kubo, nebukhatikhati beNkhosi babakhanyisela, baze besaba kakhulu.

Lukha 2:9 Referencias Cruzadas

1 Emakhosi 8:11

Baphristi abazange basakwati kuchubeka nekwenta inkonzo yabo ngenca yalelo lifu, ngobe inkhatimulo yaSimakadze yaligcwalisa lithempeli lakhe.

Eksodusi 16:10

Watsi Aroni asakhuluma kubo, bagucuka babuka ngasehlane babona inkhatimulo yebukhosi baSimakadze ibonakala efini.

Eksodusi 16:7

Kusasa ekuseni nitawubona inkhatimulo yebukhona baSimakadze, ngobe ukuvile kukhonona kwenu ngaye. Tsine besiyini nje kutsi ningakhonona ngatsi?”

Isaya 35:2

Njengembali luyawuchakaza lube lusha; luyawutfokota kakhulu, lumemete ngenjabulo. Ludvumo lweLebanoni luyawunikwa lona, yebo, luyawunikwa ludvumo lweKhameli nelweSharoni; bantfu bayawubona bukhosi baSimakadze, nebukhatikhati baNkulunkulu wetfu.

Isaya 40:5

Inkhatimulo yaSimakadze iyakwembulwa, nalo lonkhe luntfu luyakuyibona; ngobe umlomo waSimakadze sewukhulumile.”

Isaya 60:1

“Vuka, Jerusalema, ukhanye njengelilanga, ngobe kukhanya kwakho kufikile. Inkhatimulo yaSimakadze iphumela etikwakho.

Hezekeli 3:23

Ngako ngasukuma, ngahamba ngaya etsafeni. Inkhatimulo yaSimakadze yayime khona lapho, ifanana nenkhatimulo lengangiyibone ngasemfuleni iKhebari, ngakhotsama ngibhekise buso bami phansi.

Matewu 1:20

Kodvwa asakucabanga loko, kwefika ingilosi yeNkhosi kuye ngeliphupho yatsi: “Josefa, ndvodzana yaDavide, ungesabi kumtsatsa Mariya umkakho, ngobe loko lakukhulelwe kwaMoya Longcwele.

Lukha 1:28

Ingilosi yeta kuye, yefika yatsi: “E! Sikhulekile! Wena lobusisekile, iNkhosi inawe.”

Lukha 2:8

Bekunebelusi kulelo live lababeluse imihlambi yetimvu ebusuku etsafeni.

Lukha 24:4

Bema bangacondzisisi kahle ngaloku, batsi betfuka, kwase kume eceleni kwabo emadvodza lamabili embetse tingubo letikhatimulako.

Johane 12:41

Isaya wakusho loko ngobe wabona inkhatimulo yeNkhosi, wase ukhuluma ngayo.

Imisebenti yebaPhostoli 12:7

Masinyane kwefika ingilosi yeNkhosi, kwakhanya ngekhatsi ejele. Lengilosi yanyikinyisa Phetro ngelihlombe, yamvusa yatsi: “Phangisa! Vuka!” Khona lapho tinketane tadzilika etandleni takhe.

Imisebenti yebaPhostoli 27:23

Ngobe kulobusuku balamuhla ingilosi yaNkulunkulu, lengiwakhe nalengimkhontako, ime eceleni kwami

Imisebenti yebaPhostoli 5:19

kodvwa kwatsi ebusuku ingilosi yeNkhosi yavula iminyango yelijele, yabahola yabakhiphela ngephandle, yatsi kubo:

2 kubaseKorinthe 3:18

Ngako tsine sonkhe lesibuka ngebuso lobembuliwe, inkhatimulo yeNkhosi ibonakala kitsi njengasesibukweni, sibe siguculwa sibe njengaye ngekusuka ezingeni lelitsite lenkhatimulo siye kulelinye lizinga. Ngulowo-ke umsebenti weNkhosi lenguMoya.

2 kubaseKorinthe 4:6

Ngobe yena lowo Nkulunkulu lowatsi: “Akuvele kukhanya ebumnyameni,” nguye futsi lokhanyise etinhlitiyweni tetfu, kuze sikwati kubona inkhatimulo yaNkulunkulu ebusweni baKhristu.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

KumaHebheru 12:21

Lombono wawesabeka kakhulu kangangekutsi Mosi wadzimate watsi: “Ngiyesaba kakhulu, ngiyatfutfumela.”

Sembulo 18:1

Emvakwaloko ngabona lenye ingilosi lenkhulu yehla iphuma ezulwini, ineligunya lelikhulu. Inkhatimulo yayo yakhanyisa umhlaba wonkhe.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.