Lukha 2:37 - Siswati 1996 Bible

³⁷ nyalo-ke abengumfelokati waze waba neminyaka lengema-84 budzala. Abehlale ethemphelini, akhonta, azila kudla, athandaza imini nebusuku.

Lukha 2:37 Referencias Cruzadas

Tihlabelelo 22:2

Awu, Nkulunkulu wami! Emini ngiyakhala, kodvwa awungiphendvuli; nasebusuku ngikhale, ngingaphumuli.

Tihlabelelo 23:6

Impela, lokuhle nemusa kuyawungilandzela imihla yonkhe yekuphila kwami. Ngiyawuhlala endlini yaSimakadze kuze kube phakadze.

Tihlabelelo 27:4

Kunye kuphela lengakucela kuSimakadze, ngiko kodvwa lengikufunako: kutsi ngihlale endlini yaSimakadze onkhe emalanga ekuphila kwami, ngibukisise buhle baSimakadze, ngizindle ngaye ngisethempelini lakhe.

Tihlabelelo 84:10

Ngobe lilanga linye etibuyeni tendlu yakho, lincono kunalayinkhulungwane lacitselwe ngaphandle. Ngingamane ngibe ngumlindzi wemnyango wendlu yaNkulunkulu, kunekutsi ngingahlala ngibuse emakhaya alababi.

Tihlabelelo 84:4

Babusisiwe labo labahlala endlini yakho, bayawuhlala babonga wena njalo. Cabanga.

Tihlabelelo 92:13

Labo-ke banjengetihlahla letihlanyelwe endlini yaSimakadze, bachuma etibuyeni taNkulunkulu wetfu.

Eksodusi 38:8

Besaleli wakha umgezelo kanye nesibunu sawo, kokubili wakwembesa ngelitfusi; wakwakha ngetibuko tebafati lababekhonta ekungeneni kwelithende lekuhlangana.

Lukha 5:33

Labanye batsi kuJesu: “Bafundzi baJohane bavame kuzila bathandaze, nebafundzi bebaFarisi nabo benta njalo; kodvwa bafundzi bakho bona bayadla banatse.”

Imisebenti yebaPhostoli 13:3

Emvakwekuzila nekuthandaza babeka tandla etikwabo, base bayabatfuma.

Imisebenti yebaPhostoli 14:23

Kulelo nalelo bandla babakhetsela babonisi, ngemithandazo nangekuzila babaletsa eNkhosini labayikholwako.

Imisebenti yebaPhostoli 26:7

Ngiso lesetsembiso lesasibhekwe tive takitsi letili-12 kutsi sigcwaliseke, njengobe tikhonta Nkulunkulu ngesineke imini nebusuku. Nguleso setsembiso-ke, Nkhosi, langibeke licala ngaso emaJuda.

1 kuThimothi 5:5

Kodvwa lowo longumfelokati sibili, longasenabani, litsemba lakhe lonkhe sewulibeke kuNkulunkulu. Uthandaza busuku nemini acela lusito kuNkulunkulu.

Sembulo 3:12

“ ‘Loncobako ngiyawumenta insika ethempelini laNkulunkulu wami, angeke aphume kulo, ngiyawubhala kuye libito laNkulunkulu wami, ngibhale nelibito lemuti waNkulunkulu wami, iJerusalema lensha leyehla iphuma ezulwini kuNkulunkulu wami, nelibito lami lelisha ngilibhale kuye.

Sembulo 7:15

Kungako nje basembikwesihlalo sebukhosi saNkulunkulu, bamkhonta imini nebusuku ethempelini lakhe; lowo lohlala esihlalweni sebukhosi uyawubasingatsa ngebukhona bakhe.

1 Samuweli 2:2

“Kute longcwele njengaSimakadze, kute nalomunye ngaphandle kwakho, kute lidvwala lelinjengaNkulunkulu wetfu.