Lukha 2:32 - Siswati 1996 Bible

³² lekukhanya lokwembulelwe betive, neludvumo esiveni sakho saka-Israyeli.”

Lukha 2:32 Referencias Cruzadas

Tihlabelelo 85:9

Ngempela insindziso yakhe isedvute kulabo labamesabako, kuze live letfu libe neludvumo lwakhe,

Isaya 11:10

Ngalelo langa iMphandze yaJese iyakuma ibe siboniso kubetive, tive tiyawuhlangana kuyo, indzawo yayo yekuphumula ibe neludvumo.

Isaya 4:2

Ngalelo langa Ligala laSimakadze liyawuba lihle likhatimule, netitselo talelo live tiyawuba ludvumo nebuhle betinsali taka-Israyeli.

Isaya 45:25

Kodvwa kuSimakadze tonkhe titukulwane taka-Israyeli tiyawusindziswa, futsi tiyawumdvumisa.

Isaya 49:6

utsi: “Kuyintfo lelula kakhulu kuwe kuba yinceku yami kubuyisela tive takaJakobe, nekubuyisa labo labasasele bema-Israyeli lengitigcinele bona. Ngitakwenta futsi ube kukhanya kubetive, kuze utewumikisa insindziso yami emikhawulweni yonkhe yemhlaba.”

Isaya 49:9

Utawutsi kulabatfunjiwe: ‘Phumani!’ nakulabo labasebumnyameni: ‘Khululekani!’ “Bayawudlela eceleni kwemigwaco, batfole emadlelo kuto tonkhe tintsatjana letigagadzekile.

Isaya 51:4

“Lalelani kimi, bantfu bami, ngiveni, sive sami: Umtsetfo uyawuphuma kimi, umtsetfocotfo wami uyawuba kukhanya etiveni.

Isaya 60:19

Lilanga aliseyikuba kukhanya kwakho emini, ngisho nekukhanya kwenyeti kungeke kusakukhanyisela wena, ngobe Simakadze uyawuba kukhanya kwakho kwaphakadze, Nkulunkulu wakho abe ludvumo lwakho.

Isaya 9:2

Bantfu labahamba ebumnyameni bakubonile kukhanya lokukhulu; kulabo labahlala eveni lelitfunti lekufa kukhanya sekuchamukile.

Jeremiya 2:11

Sive sake santjintjiselana yini ngabonkulunkulu baso? Yebo kona abasibo bonkulunkulu balutfo. Kodvwa sive sami sintjintjise ngenkhatimulo yaNkulunkulu waso, sakhonta tithico letingenamsebenti.

Zakhariya 2:5

Mine matfupha ngiyawuba lubondza lwemlilo loluyitungeleta luyivikele, ngibe yinkhatimulo yayo ngekhatsi kwayo,’ kusho Simakadze.”

Matewu 4:16

sive lebesihleti ebumnyameni, nikubonile kukhanya lokukhulu; nine, lebenihleti eveni nasetfuntini lekufa, kuphumele kini kukhanya.”

Lukha 2:10

Kodvwa ingilosi yatsi kubo: “Ningesabi; ngobe nginiletsele indzaba lemnandzi, yekutfokota lokutawuba kwebantfu bonkhe;

Lukha 2:31

lowuyilungise wayihlela embikwato tonkhe tive,

Imisebenti yebaPhostoli 26:23

kutsi Khristu kufanele ahlupheke afe nekutsi abe wekucala kuvuka ekufeni, bese umemetela kukhanya kumaJuda nakubetive.”

Imisebenti yebaPhostoli 28:28

Wase uyavalelisa Pawula ngekutsi: “Akwateke kini kutsi lensindziso yaNkulunkulu seyitfunyelwe kubetive, futsi batawuyemukela.” [

1 kubaseKorinthe 1:31

Ngako-ke: “Lotibongako, akatibonge ngeNkhosi,” njengobe kusho umBhalo.

Sembulo 21:23

Lelo khaya alilidzingi lilanga nenyanga, kutsi kulikhanyisele, ngobe inkhatimulo yaNkulunkulu iyalikhanyisela, nesibane salo liWundlu.