Lukha 19:9 - Siswati 1996 Bible

⁹ Jesu wase utsi kuye: “Lamuhla seyifikile insindziso kulomuti; ngobe phela lendvodza nayo isitukulwane sa-Abrahama.

Lukha 19:9 Referencias Cruzadas

Lukha 13:16

Manje-ke nansi lendvodzakati lesitukulwane sa-Abrahama lebeseyiboshwe nguSathane iminyaka leli-18, akukafaneli yini kutsi ikhululwe ekuboshweni kwayo ngeliSabatha?”

Lukha 13:30

Lapho-ke laba lababekugcina bayawuba bekucala, laba lababekucala babe bekugcina.”

Lukha 16:24

Sase siyamemeta sitsi: ‘Babe Abrahama, ngihawukele ungitfumelele nango Lazaro enye sihloko semuno wakhe emantini atengiphotisa elulwimini, ngobe ngisebuhlungwini lobukhulu, ngiyasha!’

Lukha 16:30

Lesicebi samphendvula satsi: ‘Cha-ke, babe Abrahama, nakungavuka lomunye ekufeni aye kubo, bayawuphendvuka etonweni tabo.’

Lukha 2:30

ngobe emehlo ami asayibonile insindziso yakho

Lukha 3:8

Vetani titselo letikhombisa kuphendvuka. Ningacali nicabange kutsi: ‘Abrahama ngukhokho wetfu.’ Ngiyanitjela ngitsi: Nkulunkulu angawatsatsa nalamatje awente titukulwane ta-Abrahama!

KubaseRoma 4:16

Ngako-ke setsembiso semukelwa ngekukholwa, khona konkhe kuyawuba ngemusa waNkulunkulu, ngaleyo ndlela-ke setsembiso siphiwe wonkhe umuntfu loyintalo ya-Abrahama. Lentalo ya-Abrahama-ke akusibo labo labagcina umtsetfo nje kuphela, kodvwa ngibo nalabo labakholwa njengaye. Abrahama ungubabe wetfu sonkhe,

KubaseGalathiya 3:14

Loko Khristu wakwenta, kuze kutsi sibusiso lesetsenjiswa Abrahama sifike sinikwe betive ngaJesu Khristu, nekutsi semukele ngekukholwa sipho saMoya lesetsenjiswa sona.

KubaseGalathiya 3:29

Nangabe-ke nibaKhristu, niyintalelwana ya-Abrahama, nitindlalifa ngekwesetsembiso.

KubaseGalathiya 3:7

Yatini-ke kutsi ngulabakholwako labangemadvodzana a-Abrahama.

1 yaPhetro 2:10

Nine naningesiso sive, kodvwa nyalo senisive saNkulunkulu. Nake naba ngaphandle kwemusa, kepha nyalo seniwemukele.