Lukha 18:32 - Siswati 1996 Bible

³² Itawunikelwa etandleni tetive letitawuhlekisa ngayo tiyetfuke, tiyikhafulele.

Lukha 18:32 Referencias Cruzadas

Isaya 50:6

Nganikela ngemhlane wami kulabo labebangishaya, ngabanika tihlatsi labo lababengidvonsa ngesilevu. Angizange ngibufihle buso bami ekuphukutweni nasekukhafulelweni ngematse.

Isaya 52:14

Njengobe bebabanyenti babeyesaba, kubonakala kwayo kwakuhliphikile kwendlula bonkhe bantfu, nesimo sayo sasonakele kunesabo bonkhe bantfu.

Isaya 53:3

Yedzelelwa yaliwa bantfu, umuntfu wetinsizi labekwetayele kuhlupheka. Njengemuntfu bantfu labangafuni kumbuka, yedzelelwa, asizange siyishaye mkhuba.

Mikha 5:1

Bantfu baseJerusalema, butsanani ndzawonye! Sesivinjetelwe! Sebahlasela umholi waka-Israyeli!

Matewu 16:21

Kusukela lapho Jesu wacala wakhuluma ngalokusebaleni nebafundzi bakhe watsi: “Kufanele ngiye eJerusalema, ngiyewuhlushwa tibondza telibandla, nebaphristi labakhulu, nebafundzisi bemtsetfo. Ngitawubulawa, kodvwa ngelilanga lesitsatfu ngiyawuvuswa.”

Matewu 20:19

Batayinikela etandleni tebetive, kuze iphukutwe, bayishaye, bese bayibetsela esiphambanweni; kodvwa ngelilanga lesitsatfu itawuvuswa ekufeni.”

Matewu 22:6

Letinye timenywa tabamba letisebenti, tatiphatsa dlephu, tatishaya, tatibulala.

Matewu 26:67

Base bamkhafulela ngematse ebusweni, bamhlukumeta kamatima, bammukula

Matewu 27:2

Bambopha, bamtsatsa, bammikisa kuLusibalukhulu Philatu.

Makho 14:65

Labanye bamkhafulela ngematse, bammbonya buso bakhe, bamshaya batsi: “Phrofetha!” Nabogadzi imbala bammukula.

Makho 15:1

Kwanelela kwasa nje kwabutsana lonkhe Liqoqo, baphristi labakhulu, netibondza, netati, kanye nalamanye emalunga alo, bahlanganisa inkhulumo. Babopha Jesu bamchuba bayawumetfula kuPhilatu.

Lukha 18:33

Titawuyibhambabula tiyibulale, kodvwa ngelilanga lesitsatfu iyawuvuka iphile.”

Lukha 23:1

Lonkhe lelo Liqoqo lasukuma latsatsa Jesu lamyisa kuPhilatu.

Lukha 23:11

Herodi nemabutfo akhe bahlekisa ngaJesu bamhhalatisa ngekwedzelela bamembesa umjiva wengubo, bambuyisela kuPhilatu.

Lukha 23:35

Bantfu bema babukela, kodvwa baholi bemaJuda bamhhalatisa, bamphukuta, bahlekisa ngaye, batsi: “Wabasindzisa labanye; ake atisindzise naye, nangabe anguKhristu lokhetfwe nguNkulunkulu!”

Johane 18:22

Asakhuluma loko Jesu, lomunye wabogadzi labesedvutane naye wammukula ngemphama watsi: “Uphendvula umPhristi Lomkhulu nawusho nje?”

Johane 18:28

Base bayamtsatsa Jesu ekhaya laKhayafase bamyisa ekwehlulelweni, kwakungusekuseni ngeluvivi. EmaJuda wona akazange angene kuleyondlu, ngobe abentela kutigcina angangcoli ngekwemtsetfo, kuze phela alungele kudla Sidlo seliPhasika.

Johane 18:30

Bamphendvula batsi: “Kube lomuntfu abete licala, ngabe asikamletsi lapha kuwe.”

Johane 18:32

Loku kwenteka kuze kutewugcwaliseka livi laJesu lalisho, nakachaza indlela labetawufa ngayo.

Johane 18:35

Philatu waphendvula watsi: “NgingumJuda yini mine? Sive sakini nebaphristi bakini labakhulu labakuletse la kimi. Wenteni wena?”

Imisebenti yebaPhostoli 2:23

Nkulunkulu ngekwatinchanti kwakhe nangentsandvo yakhe abesakumisile kutsi Jesu uyawuniketwa kini; nine-ke nambulala ngekumbetsela esiphambanweni ngetandla tetoni.

Imisebenti yebaPhostoli 3:13

Nkulunkulu wa-Abrahama na-Isaka naJakobe, Nkulunkulu wabokhokho, usikhatimulisile Sisebenti sakhe lesinguJesu, lenamniketa etiphatsimandleni, namlahla embikwaPhilatu, namala nome Philatu asatimisele kumkhulula.