Lukha 18:16 - Siswati 1996 Bible

¹⁶ Kodvwa Jesu wababita labantfwana atsi: “Vumelani bantfwana bete kimi! Ningabavimbeli, ngobe umbuso waNkulunkulu walabanjalo.

Lukha 18:16 Referencias Cruzadas

Genesisi 21:4

Abrahama wayisoka indvodzana yakhe lengu-Isaka seyinemalanga lasiphohlongo budzala, njengobe Nkulunkulu abemyalile.

2 Tikhronike 20:13

Onkhe emadvodza akaJuda kanye nabomkawo, nebantfwana, netinswane bema embikwaSimakadze.

Jeremiya 32:39

Ngiyawubanika inhlitiyo yebunye nekwenta intfo yinye, khona batewuhlala bangesaba mine, loko kube lusito kubo nakubantfwababo emvakwabo.

Matewu 19:14

Jesu watsi: “Vumelani bantfwana bete kimi, ningabaleli, ngobe umbuso welizulu ungewalabanjalo.”

Lukha 18:15

Ngaleso sikhatsi baletsa ngisho netinswane kutsi Jesu atetibeka tandla. Kodvwa bafundzi batsi nabakubona loko, babatsetsisa.

Lukha 18:17

Ngicinisile, ngitsi kini: Longawemukeli umbuso waNkulunkulu njengemntfwana, angeke angene kuwo.”

Imisebenti yebaPhostoli 2:39

Ngobe setsembiso saNkulunkulu senu nesebantfwabenu kanye nabo bonkhe labakhashane, lowo nalowo loyawubitwa nguNkulunkulu, iNkhosi yetfu, kutsi ete kuye.”

1 kubaseKorinthe 14:20

Bazalwane, ningaboba bantfwana ekucabangeni, kodvwa ebubini niboba tinswane, ekucabangeni nibe ngulabakhule impela.

1 kubaseKorinthe 7:14

Ngobe indvodza lengakholwa ingcwelisiwe ngemfati wayo, nemfati longakholwa ungcwelisiwe ngendvodza yakhe lengumKhristu. Kube bekungenjalo ngabe bantfwabenu bangcolile, kepha njengamanje bangcwele.

Dutheronomi 29:11

kanye nebantfwabenu, nebafati benu, nebetive labahlala etinkanjini tenu banitfotele tinkhuni banikhelele nemanti,

Dutheronomi 31:12

Hlanganisani sonkhe sive, emadvodza, nebafati, nebantfwana kanye nebetive labahlala emadolobheni enu, khona batewulalela bafundze nekwesaba Simakadze Nkulunkulu wenu. Nibowalandzela ngekucophelela lokukhulu onkhe lamavi alomtsetfo.

1 yaPhetro 2:2

Njengebantfwana labasandza kutalwa, langatelelani lubisi lwaMoya loluhlantekile nalolungakabhicwa nalutfo, lolulivi laNkulunkulu, lenitawutsi ngekulunatsa nikhule, nize nisindziswe.