Lukha 18:13 - Siswati 1996 Bible

¹³ “Kodvwa umtselisi eme khashane akazange abhekise ngisho nebuso bakhe ezulwini, kepha ngekutisola wathandaza watsi: ‘Nkulunkulu, ngihawukele mine soni!’ ”

Lukha 18:13 Referencias Cruzadas

2 Samuweli 12:13

Davide wakhuluma kuNathani, watsi: “Ngonile kuSimakadze.” Nathani waphendvula watsi: “Simakadze sewusisusile sono sakho. Ungeke usafa.

2 Tikhronike 33:19

Umthandazo wakhe, nekutsi Nkulunkulu watsintseka kanjani ngekutincengela kwakhe, kanye nato tonkhe tono takhe, nekungetsembeki kwakhe, netindzawo letiphakeme tekukhontela tithico, lapho bekakhe khona titfombe letikhontwako, wagcumeka netinsika ta-Ashera netithico, ngalesikhatsi asengakatitfobi, konkhe loko kubhaliwe etincwadzini tebaboniswa.

2 Tikhronike 33:23

Kodvwa yena akazange afute uyise Manase, ngobe akazange aphendvuke, atitfobe embikwaSimakadze, Amoni wachubeka wadlanga ngebubi bakhe.

Ezra 9:6

ngathandaza ngatsi: “Maye, Nkulunkulu wami, ngijabhile kakhulu futsi nginemahloni kutsi ngingaphakamisela kanjani buso bami kuwe, Nkulunkulu wami, ngobe tono tetfu setiphakeme kakhulu tengama tinhloko tetfu, nebubi betfu sebufikele emazulwini.

Jobe 42:6

Ngako-ke manje sengiyatenyanya, ngiyaphendvuka ngitilahla elutfulini nasemlotseni.”

Tihlabelelo 106:6

Sonile tsine kanye nabokhokho betfu, sente lokubi, sonakele.

Tihlabelelo 119:41

Shangatsi ungangiphatsa ngemusa wakho, Simakadze; ungigone ngensindziso yakho njengekwesetsembiso sakho.

Tihlabelelo 130:7

Israyeli, yetsembela kuSimakadze, ngobe umusa ukuSimakadze nekukhululwa sibili kukuye.

Tihlabelelo 25:11

Simakadze, ngenca yelibito lakho ngitsetselele kona kwami, ngobe kukhulu.

Tihlabelelo 25:7

Ungatikhumbuli tono tami, netiphambuko tebusha bami, kodvwa ngikhumbule ngekwemusa wakho, Simakadze, ngikhumbule ngekulunga kwakho.

Tihlabelelo 40:12

Ngitungeletwe tinhlupheko letinyenti, licala lekona lingigabhe kangangekutsi angisaboni nekubona. Letinhlupheko tinyenti tendlula tinwele tenhloko yami, sengilahlekelwe litsemba.

Tihlabelelo 41:4

Mine-ke ngatsi: “Awu, Simakadze, ngihawukele, ungiphilisele umphefumulo wami, ngobe ngonile kuwe.”

Eksodusi 33:10

Bonkhe bantfu babetsi bangayibona lensika yelifu ime ekungeneni kwelithende lekuhlangana bakhotsame, bakhonte, ngulowo nalowo emnyango welithende lakhe.

Isaya 1:18

Simakadze utsi: “Wotani manje sitewubonisana. Nome tono tenu tibovu njengengati, titawuba mhlophe njengangcocwane, nome tibovu tju, titawuba mhlophe njengeboya bemvu.

Isaya 6:5

Ngase ngitsi: “Maye kimi, mine ngiphelile! Ngobe ngingumuntfu lotindzebe temlomo wakhe tingcolile, futsi ngihlala emkhatsini webantfu labatindzebe tabo tingcolile. Emehlo ami ayibonile iNkhosi, Simakadze longuSomandla.”

Isaya 66:2

Tonkhe letintfo atikentiwa sandla sami yini, kuze kutsi tibe khona?” kusho Simakadze. “Ngulowo-ke mine lengimatisako, lowo lotfobekile nalodzabukile emoyeni, nalolitfutfumelelako livi lami.

Hezekeli 16:63

Ngiyawutsi-ke nase ngikwentele inhlawulo yakho, yako konkhe loku lose ukwentile, bese uyakhumbula udliwe ngemahloni, ungaphindzi uwuvule umlomo wakho ngenca yalokuhlazeka kwakho lokungaka, kusho iNkhosi Simakadze.’ ”

Danyela 9:5

sonile kuwe senta lokubi. Besibabi kakhulu, futsi sakuvukela; siphambukile sashiya imiyalo yakho nemitsetfo yakho.

Matewu 10:3

Filiphu naBhatalomewu; Tomase naMatewu, umtselisi; Jakobe, umsa wa-Alfiyose, naThadiyosi;

Matewu 6:5

“Nanithandazako, ningalingisi batentisi; ngobe batsandza kuthandaza bemile emasinagogeni, nasemajikeni etitaladi, kuze batekubonwa bantfu. Ngicinisile, ngitsi kini: Sebavele bawutfolile umvuzo wabo.

Matewu 9:13

Kepha hambani nifundze kutsi kusho kutsini kutsi: ‘Ngifuna sihawu, hhayi umhlatjelo;’ ngobe angiketeli kubita labalungile kepha toni.”

Makho 11:25

Ngaso sonkhe sikhatsi nanithandazako, nibobacolela leniphambene nabo, kuze kutsi neYihlo losezulwini anitsetselele tono tenu. [

Lukha 17:12

Asangena emtini wahlangabetwa ngemadvodza labelishumi labephetfwe bulephelo ema bucadlwana naye,

Lukha 22:41

Kodvwa yena wesuka kubo, wachubeka libanga lelingaba ngangemjikijelo, waguca phansi wathandaza.

Lukha 23:48

Bonkhe labantfu babetewubukela nabakubona loko kwenteka, babuyela emakhaya kuceka emadvolo.

Lukha 5:8

Kodvwa Simoni Phetro abona loku, waguca ngemadvolo etinyaweni taJesu watsi: “Ncono usuke kimi, Nkhosi, ngobe mine ngingumuntfu losoni!”

Imisebenti yebaPhostoli 2:37

Kwatsi bantfu nabakuva loku, bahlabeka etinhlitiyweni base batsi kuPhetro nakulabanye baphostoli: “Pho, bazalwane, sitakwenta njani?”

KubaseRoma 5:8

Kodvwa-ke Nkulunkulu sewulukhombisile lutsandvo lwakhe kitsi ngekutsi sisetoni Khristu wafa esikhundleni setfu.

2 kubaseKorinthe 7:11

Ase nibuke nje kutsi lokudzabuka lokukwaNkulunkulu sekuveteni kini: Kukhutsala lokungaka, nekukwati kutiphendvulela, nekutfukutsela, nekwesaba, nekulangatelela, nenshisekelo, nekujezisa. Kuko konkhe senikhombise kutsi nite licala kulendzaba.

1 kuThimothi 1:15

Letsembekile, futsi lifanele kwemukelwa ngibo bonkhe lelivi lelitsi: Khristu Jesu weta emhlabeni kutawusindzisa toni, mine lengingulesikhulu kunato tonkhe.

KumaHebheru 4:16

Ngako-ke asisondzele ngesibindzi esihlalweni semusa, khona sitekwemukela sihawu, sitfole umusa lotasisita ngesikhatsi lesifanele.

KumaHebheru 8:12

Ngobe ngiyawuba nemusa ekoneni kwabo, ngingeke ngiphindze ngitikhumbule tono tabo.”