Lukha 17:20 - Siswati 1996 Bible

²⁰ Labanye baFarisi babuta Jesu batsi: “Umbuso waNkulunkulu uyawufika nini?” Wabaphendvula watsi: “Umbuso waNkulunkulu awuti ngendlela lebonakalako.

Lukha 17:20 Referencias Cruzadas

Danyela 2:44

“Ngesikhatsi salawo makhosi, Nkulunkulu welizulu uyawumisa umbuso longasoze wabhujiswa lutfo, futsi ngeke unikwe labanye bantfu. Uyawupitjita yonkhe leminye imibuso uyicedze, kodvwa wona uyawukuma kuze kube phakadze.

Zakhariya 4:6

Ngako yakhuluma kimi, yatsi: “Leli livi laSimakadze leliya kuZerubhabheli, litsi: ‘Akuyi ngetikhwepha nangemandla, kodvwa kuya ngaMoya wami,’ kusho Simakadze longuSomandla.

Lukha 10:11

‘Nelutfuli lwelidolobha lenu lolunamatsele etinyaweni tetfu silutsintsitsela kini, kodvwa khumbulani kutsi umbuso waNkulunkulu sewusondzele kini!’

Lukha 14:1

Ngalelinye liSabatha Jesu abeyewudla emtini walesinye siphatsimandla selicembu lebaFarisi, bantfu bebacaphelisisile kutsi Jesu utakwentani.

Lukha 16:16

“Umtsetfo netimfundziso tebaphrofethi kwasebenta kwaze kwefika sikhatsi saJohane uMbhabhatisi. Kusukela ngaleso sikhatsi sekushunyayelwa liVangeli ngembuso waNkulunkulu, wonkhe umuntfu ulwela kungena kuwo,

Lukha 19:11

Basalalele loko, Jesu wachubeka wabatjela lomunye umfanekiso, ngobe abesasondzele eJerusalema, nangobe bantfu base bacabanga kutsi umbuso waNkulunkulu wawutawuvela ngaleso sikhatsi.

Johane 18:36

Jesu wamphendvula watsi: “Umbuso wami awusiwo wakulelive. Kube bewuwakulelive, ngabe balandzeli bami bangilwele, kuze ngingetiwuniketwa kumaJuda. Kepha noko umbuso wami awusiwo wakulelive.”