Lukha 16:3 - Siswati 1996 Bible

³ Lendvuna yacabanga yatsi: ‘Inkhosi yami itangicosha emsebentini. Ngitakwente njani? Ngingeke ngikumele kuba simbamgodzi, kantsi nekucela futsi ngiyakwesaba.

Lukha 16:3 Referencias Cruzadas

Esta 6:6

Ngako Hamani wangeniswa, inkhosi yakhuluma kuye, yatsi: “Kukhona umuntfu lengifisa kumbonga kakhulu. Wena utsi ngingakukhombisa kanjani loko kumbonga kwami?” Hamani wacabanga watsi: “Konje ngubani nje inkhosi lengafisa kumbonga kakhulu ngaphandle kwami?”

Taga 13:4

Umuntfu lolivila ufisa lokunyenti agcine angakatfoli lutfo; kodvwa lokhutsele unikwa lokunyenti.

Taga 15:19

Indlela yelivila iyena, ivinjwe ngemanyeva; kodvwa indlela yemuntfu locotfo ifanana nemgwaco lomkhulu lokhanyako.

Taga 18:9

Umuntfu lolidlabha emsebentini wakhe ufanana nemuntfu lobhubhisako.

Taga 19:15

Buvila benta umuntfu adzakwe butfongo, nemuntfu longasebenti uyalamba.

Taga 20:4

Livila liyehluleka kulima ngesikhatsi lesifanele, nase kuvunwa lona alibuyi nalutfo etsafeni.

Taga 29:21

Nangabe wetayeta sisebenti ngekusinika konkhe lesikufunako, nase sikhulile sitakwemuka konkhe lokukwakho.

Isaya 10:3

Niyakwenta njani ngelilanga lekwehlulelwa, ngesikhatsi sehlakalo sichamuka khashane? Niyawubalekela kubani nicele lusito? Niyakuwushiya nabani lomcebo wenu?

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Hoseya 9:5

Niyakwente njani ngelilanga lemadzili enu lamisiwe, ngemalanga emadzili aSimakadze?

Matewu 20:8

“Kwatsi entsambama lomniyo wesivini watsi endvuneni yakhe: ‘Bita tonkhe tisebenti, utiholele imali yato, ucale ngaleti tekugcina, ugcine ngaleti tekucala!’

Makho 10:46

Befika eJerikho. Jesu nase aphuma khona kanye nebafundzi bakhe, nesicuku lesikhulu sebantfu, Bhathimeyosi, imphumphutse, umsa waThimeyosi, abehleti ngasemgwacweni acela kuphiwa.

Lukha 12:17

sase sicabanga enhlitiyweni yaso satsi: ‘Manje sengitakwente njani, ngobe ayisekho indzawo yekugcina lesivuno sami?’

Lukha 16:2

Sayibita lendvuna satsi: ‘Yini loku lengikuvako ngawe? Ngikhombise kutsi imphahla yami uyiphatsa kanjani, ngobe ungeke uchubeke ube yindvuna yami, nawuhamba ngalolunyawo!’

Lukha 16:20

Esangweni lemuti wayo bekuhlala umuntfu labechakile, libito lakhe kunguLazaro, abenetilondza wonkhe umtimba,

Lukha 16:22

“Lendvodza leluphuya yafa yemukelwa tingilosi, tayiyisa edzilini lasezulwini, lapho tefike tayibeka edvute na-Abrahama; nesicebi safa sangcwatjwa.

Lukha 16:4

Sengibonile lengitawukwenta, kuze nase ngiphelelwe ngumsebenti, bangani bami bangemukele, bangihlalise emakhaya abo.’

Lukha 18:4

Kwaba sikhatsi lesidze umehluleli angavumi, kodvwa ekugcineni watsi: ‘Nome ngingamesabi Nkulunkulu ngingahloniphi muntfu,

Johane 9:8

Ngako bomakhelwane bayo kanye nebantfu nje lababeyibona ihleti icela kuphiwa, babutana batsi: “Lendvodza akusiyo yini lena beyihlalela kucela kuphiwa?”

Imisebenti yebaPhostoli 3:2

Kwakukhona indvodza letsite leyayisishosha seloku yatalwa. Yayihleti endzaweni lekutsiwa “Intfunja Lenhle”. Yayetfwalwa onkhe emalanga ibekwe ngasentfunjeni yentele kucela kubantfu lababengena ethempelini.

Imisebenti yebaPhostoli 9:6

Sukuma-ke uye kulelo dolobha, lapho utawutjelwa khona lokufanele ukwente.”

2 kubaseThesalonika 3:11

Siyeva kutsi labanye emkhatsini wenu abasebenti, abenti lutfo ngaphandle kwekutigaca etindzabeni talabanye bantfu.