3 Ngako-ke Jesu wase ubatjela umfanekiso lotsi:
Tsine sonkhe sedukile njengetimvu, ngulowo nalowo utihambele ngendlela yakhe, Simakadze wayetfwesa kona kwetfu sonkhe.
Ngiyawutfokota ngeJerusalema, ngijabule ngebantfu bami, umsindvo wekulila newekukhala awuyiwuphindza uvakale kuyo.
Esikhundleni saloko hambani niyewufuna timvu letilahlekile letisive sema-Israyeli.
Wabatjela tintfo letinyenti ngemifanekiso, watsi: “Bekukhona umuntfu lowahamba wayawuhlanyela.
Kepha hambani nifundze kutsi kusho kutsini kutsi: ‘Ngifuna sihawu, hhayi umhlatjelo;’ ngobe angiketeli kubita labalungile kepha toni.”
Kodvwa baFarisi netati temtsetfo tahhingatela tatsi: “Lomuntfu wemukela tilahlwa abuye futsi adle nato!”
“Nangabe lomunye wenu anetimvu letilikhulu bese kulahleka lenye, angente njani? Angete atishiya etsafeni yini leti letingema-99, ahambe ayewufuna lena lenye lelahlekile, adzimate ayitfole?
Waphindza Jesu watsi kuye: “Simoni, msa waJohane, uyangitsandza yini?” Watsi kuye: “Yebo, Nkhosi, uyati kutsi ngiyakutsandza.” Jesu watsi kuye: “Yelusa timvu tami.”
Batsi kube bamuve bonkhe, badvumisa Nkulunkulu. Base batsi kuPawula: “Uyabona-ke, mzalwane, kukhona tinkhulungwane temaJuda letikholwako, bonkhe babambelele kakhulu emtsetfweni.
