Lukha 15:28 - Siswati 1996 Bible

²⁸ “Indvodzana lenkhulu yatfukutsela yabila, yase iyala nekungena lapha ekhaya. Kwadzimate kwaphuma uyise wayakuyincenga;

Lukha 15:28 Referencias Cruzadas

Isaya 65:5

bese batsi: ‘Suka, ungasondzeli kimi, ngobe ngingcwele kakhulu kunawe!’ Bantfu labanjalo bayintfutfu emakhaleni ami, umlilo lohlala uvutsa lilanga lonkhe.

Isaya 66:5

Vanini livi laSimakadze, nine lenitfutfumeliswa livi lakhe, utsi: “Bomnakenu labanitondzako banikhiphe inyumbazana ngenca yeLibito lami, batsite: ‘Akadvunyiswe Simakadze, kuze sitewubona injabulo yenu!’ Noko bayawutseleka ngelihlazo.

Jeremiya 35:16

Titukulwane taJonadabi, umsa waRekhabi, tona tiwentile lomyalo letanikwa wona ngukhokho wato, kodvwa labantfu abakangilaleli mine.’

Jona 4:9

Kodvwa Nkulunkulu watsi kuJona: “Unalungelo lini lekutfukutselela lomhlafutfo?” Yena-ke watsi: “Ngenta kahle kutsi ngitfukutsele; ngitfukutsele kutsi angife ngitsi saka!”

Matewu 20:11

Batsi nabamemukela, bacala bakhonona kulomnikati wesivini,

Makho 1:40

Kwasondzela umuntfu labenebulephelo, wancenga Jesu aguce embikwakhe watsi: “Nkhosi, nawutsandza, ungangihlambulula.”

Lukha 13:34

“Jerusalema, Jerusalema! Ubulala baphrofethi, ugcobe ngematje titfunywa taNkulunkulu letitfunyelwe kuwe! Sekukangaki ngifuna kufukamela bonkhe bantfu bakho, njengesikhukhukati sifukamela emantjwele ngaphansi kwemaphiko aso, kodvwa awuzange ungivumele!

Lukha 15:2

Kodvwa baFarisi netati temtsetfo tahhingatela tatsi: “Lomuntfu wemukela tilahlwa abuye futsi adle nato!”

Lukha 15:27

Sisebenti satsi kuye: ‘Umnakenu sewubuyile, ngako-ke uyihlo umhlabise litfole lelikhuluphele, ngobe umnakenu ubuye asaphila.’

Lukha 15:29

yamphendvula yatsi: ‘Kodvwa, babe, mine yonkhe leminyaka bengihleti nawe ngikusebentela. Angizange sengephule namunye umyalo wakho, kodvwa awuzange sewunginike nangalinye lilanga ngisho nelizinyane nje, kutsi nami ngitijabulise kanye nebangani bami.

Lukha 24:47

nekutsi egameni lakhe kumelwe kushunyayelwe etiveni tonkhe kuphendvuka kube kutsetselelwa kwetono, kucalwe eJerusalema.

Lukha 5:30

Labanye baFarisi netati temtsetfo telicembu labo tasola bafundzi baJesu. Tabuta tatsi: “Nidlelani nebatselisi kanye netoni nibuye ninatse nato?”

Lukha 7:39

Nakabona loko lomFarisi lobekameme Jesu, watsi enhlitiyweni yakhe: “Kube lomuntfu ungumphrofethi ngempela, ngabe uyati kutsi ungubani lomfati lomtsintsako. Ngabe uyati kutsi uphila imphilo leyonakele kangakanani.”

Imisebenti yebaPhostoli 13:45

Lapho emaJuda abona ticuku, aba nemona; aphikisa Pawula kuloko abekusho, ametfuka.

Imisebenti yebaPhostoli 13:50

Kodvwa emaJuda afaka umoya wetikhova ebafatini lababehloniphekile lababephendvukele enkholweni yebuJuda nasemadvodzeni labesembili kulelo dolobha. Bacala bahlupha boPawula naBhanabasi, babacosha kuleyo ndzawo yakubo.

Imisebenti yebaPhostoli 14:19

Lamanye emaJuda efika aphuma e-Antiyokhi yasePhisidiya nase-Ikhoniyumi; asasivumisile sicuku, agcoba Pawula ngematje, amhudvulela ngephandle kwelidolobha acabanga kutsi sewufile.

Imisebenti yebaPhostoli 14:2

Kepha emaJuda labengakholwa afaka lulwimi lolubi kubetive kuze bavukele bazalwane.

KubaseRoma 10:19

Sengiyabuta futsi ngitsi: “Ngabe Israyeli akevisisanga yini?” Kwekucala Mosi wamemetela livi laNkulunkulu lelitsi: “Ngiyawunenta nibe nesikhwele ngebantfu labangesiso sive; ngiyawunitfukutselisa ngesive lesilibele.”

2 kubaseKorinthe 5:20

Ngako singemancusa aKhristu; Nkulunkulu uncusa ngatsi. Sinincenga egameni laKhristu sitsi: “Buyisanani naNkulunkulu.”

1 kubaseThesalonika 2:16

Adzimate asivimbela nekutsi sishumayele insindziso kubetive. Ngaloko-ke imihla nemalanga atengetela tono. Kodvwa ekugcineni lulaka lwaNkulunkulu seluze lwabehlela.

1 Samuweli 17:28

Kwatsi Eliyabe, umnakaboDavide lomkhulu, nakeva loku lokwakukhulunywa nguDavide nalamadvodza, wamvutsela ngelulaka watsi: “Utewufunani wena lapha? Utishiye nabani letimvu letimbalwa lena ehlane? Ngiyati kutsi utikhukhumeta kanjani nekutsi inhlitiyo yakho yimbi kanganani; utele kutawubukela imphi nje kuphela.”

1 Samuweli 18:8

Sawula watfukutsela wabila; lesigiyo sabo samkhuba, watsi: “Davide bamnika emashumi etinkhulungwane, kodvwa mine banginika tinkhulungwane nje. Yini-ke lokunye langaphindze akutfole ngetulu kwaloko, ngaphandle kwembuso?”