Lukha 15:24 - Siswati 1996 Bible

²⁴ Ngobe lendvodzana yami beyifile, kodvwa nyalo seyiyaphila; beyilahlekile, kodvwa nyalo seyitfolakele.’ Ngako kwase kuyadliwa, kuyajatjulwa.

Lukha 15:24 Referencias Cruzadas

Genesisi 45:28

Israyeli wakhuluma watsi: “Sengenelisekile kutsi Josefa, indvodzana yami, uyaphila. Angehle ngiyekumbona, ngingakafi.”

Isaya 35:10

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Isaya 66:11

Ngobe niyawumunya kuyo, neneliswe ngemabele ayo ladvudvutako; niyawunatsa neneliseke, nitijabulise ngenala yayo lenkhulu.”

Hezekeli 34:16

Ngiyakutifuna letilahlekile, naletedukile ngitibuyise. Letilimele ngiyawutibopha emanceba, ngiticinise emadvolo letibutsakatsaka, kodvwa letesulekile naleticinile ngiyawutibhubhisa. Ngiyakwelusa umhlambi ngemtsetfocotfo.

Hezekeli 34:4

Anikaticinisi letibutsakatsaka naletigulako, anikatelaphi nabopha nemanceba aletilimele. Letedukile anikatifuni natibuyisa, nangete natifuna naletilahlekile. Nitibuse ngelunya, natiphatsa ngesihluku.

Matewu 8:22

Kepha Jesu watsi kuye: “Ngilandzele, uyekele labafile, bangcwabe labafile babo!”

Makho 8:22

Jesu watsi efika nje eBhethsayida, baletsa kuye imphumphutse, bamcela kutsi ayitsintse ngesandla.

Lukha 10:19

Bukani la! Ngininike emandla ekunyatsela tinyoka, nabofecela, nemandla ekuncoba sitsa; kute lokuyawunilimata.

Lukha 15:23

Nifune litfole lelihle lelikhuluphele nilihlabe sitewudla sijabule.

Lukha 15:25

“Ngaleso sikhatsi indvodzana lenkhulu beyingekho isensimini, yatsi seyibuya yeva umsindvo wekuhlabela nekugidza ingakangeni ekhaya,

Lukha 15:32

Kepha kusifanele kutsi sijabule sidle ngekutfokota, ngobe umnakenu abefile, kepha manje sewuyaphila; abelahlekile, kepha manje sewutfolakele.’ ”

Lukha 15:4

“Nangabe lomunye wenu anetimvu letilikhulu bese kulahleka lenye, angente njani? Angete atishiya etsafeni yini leti letingema-99, ahambe ayewufuna lena lenye lelahlekile, adzimate ayitfole?

Lukha 19:10

Phela, iNdvodzana yeMuntfu itewufuna nekusindzisa lokulahlekile.”

Lukha 9:60

Jesu waphendvula watsi: “Yekela labafile bangcwabane bodvwana. Wena hamba uyewushumayela umbuso waNkulunkulu!”

Johane 11:25

Jesu watsi kuye: “Mine ngikuvuka nekuphila, lokholwa ngimi, nome angafa, uyawuphila.

Johane 5:21

Njengobe uYise avusa labafile baphile, nayo-ke iNdvodzana iyabaphilisa labo letsandza kutsi baphile.

KubaseRoma 11:15

Ngobe nangabe kulahlwa kwabo bekukubuyisana kwaNkulunkulu nemhlaba wonkhe, pho, kwemukelwa kwabo kungaba yini, nakungesiko kuphila kulabafile?

KubaseRoma 12:15

Nijabule nalabajabulako, nikhale nalabakhalako.

KubaseRoma 6:11

Kanjalo nani kufanele nitsatse ngekutsi nifile nehlukana nesono, kodvwa niphilela Nkulunkulu nikuKhristu Jesu.

KubaseRoma 6:13

Futsi akusafanele kutsi ninikele titfo tenu esonweni tibe tikhali tekungalungi; kodvwa tinikeleni nine matfupha kuNkulunkulu njengobe ningulabavuswe ekufeni base bayaphila. Ngako-ke titfo tenu tinikeleni tibe tikhali tekulunga kuNkulunkulu.

KubaseRoma 8:2

Ngobe umtsetfo waMoya wekuphila lokukuKhristu Jesu ungikhululile emtsetfweni wesono newekufa.

1 kubaseKorinthe 12:26

Nangabe kuhlupheka sitfo sinye, kuhlupheka titfo tonkhe kanye naso; nangabe kudvunyiswa sitfo sinye, kujabula titfo tonkhe kanye naso.

Kubase-Efesu 2:1

Univusile nani lebenifile ngenca yetiphambuko netono tenu,

Kubase-Efesu 2:5

nome sase sifile ngetiphambuko tetfu, wasiphilisa kanye naKhristu. Nisindziswe ngemusa waNkulunkulu.

Kubase-Efesu 5:14

ngobe konkhe lokuvetwa kukhanya kuyabonakala. Ngako-ke kutsiwa: “Phaphama, wena lolele, uvuke kulabafile, naKhristu utakukhanyisa.”

KubaseKholose 2:13

Nani-ke lebenifile ngekona kwenu nangekungasoki emtimbeni wenu, Nkulunkulu sewanenta labaphilako kanye naye ngekunitsetselela tonkhe tono tenu.

1 kuThimothi 5:6

Kodvwa umfelokati lotinikele etinkhanukweni ufe asaphila.

YaJuda 1:12

Bayanonela ekudleni kwenu kwebudlelwane bate emahloni ngekumita kwabo. Babogubhela kwesabo. Banjengemafu lapheshulwa ngumoya, abe wona ate imvula. Batihlahla letingatseli titselo, ngisho nangetikhatsi tato, tihlahla letisishulwe netimphandze tato, yebo, batihlahla lese tafa.

Sembulo 3:1

“Bhalela ingilosi yelibandla laseSadesi utsi: “ ‘Nali livi leliphuma kuye lonemimoya yaNkulunkulu lesikhombisa, netinkhanyeti letisikhombisa utsi: Ngiyayati imisebenti yakho; unelibito lekutsi uyaphila, kantsi ufile.