Lukha 15:18 - Siswati 1996 Bible

¹⁸ Ngitawuhamba ngiye kubabe ngitsi kuye: “Babe, ngonile kuNkulunkulu nakuwe.

Lukha 15:18 Referencias Cruzadas

2 Tikhronike 33:19

Umthandazo wakhe, nekutsi Nkulunkulu watsintseka kanjani ngekutincengela kwakhe, kanye nato tonkhe tono takhe, nekungetsembeki kwakhe, netindzawo letiphakeme tekukhontela tithico, lapho bekakhe khona titfombe letikhontwako, wagcumeka netinsika ta-Ashera netithico, ngalesikhatsi asengakatitfobi, konkhe loko kubhaliwe etincwadzini tebaboniswa.

Tihlabelelo 25:11

Simakadze, ngenca yelibito lakho ngitsetselele kona kwami, ngobe kukhulu.

Taga 23:13

Ungesabi kumcondzisa umntfwana; ngobe nawumfaka luswati, angeke afe.

Isaya 63:16

Kodvwa wena unguBabe wetfu, nome nje Abrahama angasati tsine, na-Israyeli angasemukeli tsine, kodwva wena, Simakadze, unguBabe wetfu, uMhlengi wetfu; kwasemandvulo lelo Libito lakho.

Jeremiya 3:19

“Mine cobo lwami, ngatsi: ‘Bengingajabula kanjani kuniphatsisa kwemadvodzana ami, ngininike live lelifanelekile kakhulu, lifa lelihle kakhulu kwendlula tonkhe letinye tive.’ Bengicabanga ngitsi nitangibita, nitsi kimi: ‘Babe,’ ningajiki ekulandzeleni mine.

Jeremiya 31:20

Efrayimu akasiyo yini indvodzana yami letsandzekako, umntfwana lengijabulako ngaye? Nome ngivamise kukhuluma ngimelane naye, kodvwa noko ngisamkhumbula. Ngako-ke inhlitiyo yami iyamlangatelela; nginesihawu lesikhulu ngaye,” kusho Simakadze.

Sililo 3:29

Akembele buso bakhe elutfulini, mhlawumbe kusengaba khona litsemba.

Sililo 3:40

Asihlolisise tindlela tetfu sitivivinye, bese sibuyela kuSimakadze.

Danyela 4:26

Lomyalo wekushiya siphunti sesihlahla netimphandze taso kusho kutsi lombuso wakho uyawubuyiselwa kuwe, wena nase uvume kutsi Lizulu ngilo lelibusako.

Jona 2:4

Ngase ngitsi: ‘Sengicoshiwe emehlweni akho; noko, ngiyawuphindze ngibuke lithempeli lakho lelingcwele.’

Jona 3:9

Ngobe ngubani nje lowatiko, mhlawumbe Nkulunkulu angatisola ayiyekele lentfukutselo yakhe leyesabekako, kuze singabhubhi?’ ”

Matewu 3:6

Wababhabhatisa emfuleni iJordane, bavuma tono tabo.

Matewu 6:14

“Ngobe nangabe niyabatsetselela bantfu tono tabo, neYihlo losezulwini uyakunitsetselela.

Matewu 6:9

Nanithandazako nibotsi: “ ‘Babe wetfu losezulwini, alingcweliswe libito lakho.

Matewu 7:11

Nangabe-ke nine lenibabi kangaka nikwati kubapha bantfwabenu tipho letinhle, kakhulu kangakanani-ke uYihlo losezulwini utakubapha lokuhle labacela kuye.

Lukha 11:2

Jesu wase utsi kubo: “Nanithandaza, nibotsi: ‘Babe, alingcweliswe libito lakho, umbuso wakho awute.

Lukha 15:17

“Sigcino yasanguluka engcondvweni yacabanga yatsi: ‘Tonkhe tisebenti tababe tidla tidzimate titibekele, kepha mine lapha ngilamba kangaka.

Lukha 15:19

Angisafanele nekutsi ngibitwe ngekutsi ngiyindvodzana yakho; sale umane ungenta lomunye wetisebenti takho.” ’

Lukha 15:21

Lendvodzana yatsi kuyise: ‘Babe, ngonile kuNkulunkulu nakuwe, angisafanele nekutsi ngibitwe ngekutsi ngiyindvodzana yakho.’

Lukha 18:13

“Kodvwa umtselisi eme khashane akazange abhekise ngisho nebuso bakhe ezulwini, kepha ngekutisola wathandaza watsi: ‘Nkulunkulu, ngihawukele mine soni!’ ”