Lukha 14:26 - Siswati 1996 Bible

²⁶ “Lota kimi angeke abe ngumfundzi wami ngaphandle kwekutsi adzele uyise nenina, umfati wakhe nebantfwabakhe, bomnakabo nabodzadzewabo, yebo, kanye nemphilo yakhe lucobo lwayo.

Lukha 14:26 Referencias Cruzadas

Tihlabelelo 139:22

Ngibazonda ngenzondo lephelele. Ngibatsatsa njengetitsa tami.

Numeri 10:30

Hobabi waphendvula watsi: “Cha, ngingeke ngihambe nani; sengibuyela eveni lakitsi nasesiveni sakitsi.”

Matewu 10:37

“Lotsandza uyise nome unina kwengca mine, akangifaneli; nalotsandza indvodzana yakhe nome indvodzakati yakhe kwengca mine, akangifaneli.

Lukha 14:20

Lomunye watsi: ‘Ngisandza kuteka umfati, ngaleso sizatfu ngingeke ngiphumelele.’

Lukha 14:25

Ticumbi letinkhulu tebantfu betihamba naJesu. Wagucukela kuto watsi:

Johane 12:25

Lowo lotsandza kuphila kwakhe, uyawulahlekelwa ngiko; nalowo lotondza kuphila kwakhe kulelive, uyawukulondvolotela kuphila lokuphakadze.

Imisebenti yebaPhostoli 20:24

Kepha ngikhandza kutsi imphilo yami ayisho lutfo kimi, nangabe nje ngingaphumisela indzima yami ngicedze nemsebenti lengawunikwa yiNkhosi Jesu, wekutsi ngifakaze ngeliVangeli lemusa waNkulunkulu.

KubaseRoma 9:13

njengobe kubhaliwe kutsi: “Jakobe ngimtsandzile, kodvwa Esawu ngamtondza.”

Dutheronomi 21:15

“Nangabe indvodza inebafati lababili, bese itsandza lona lomunye kwendlula lona lomunye, bobabili bese batubula ngebafana kodvwa litubulo lekucala kube ngelalomfati losaliwakati,

Dutheronomi 33:9

Wakhuluma ngeyise nenina watsi: ‘Anginandzaba nabo.’ Akazange abanake bomnakabo, wabatsalalisela bantfwabakhe. Kodvwa walilindza livi lakho, wasilondvolota nesivumelwane sakho.

KubaseFiliphi 3:8

Yebo, konkhe ngikushaya lite ngebukhulu bekumati Khristu Jesu iNkhosi yami, lengilahlekelwe ngiko konkhe ngenca yakhe. Ngikushaya tibi, kuze ngizuze Khristu,

Sembulo 12:11

Bamehlule ngengati yeliWundlu nangelivi lebufakazi babo, ngobe abakutsandzanga kuphila kwabo kwaze kwabasekufeni.