Lukha 14:13 - Siswati 1996 Bible

¹³ Nawente lidzili, ubomema timphuya, netishosha, netinchute, netimphumphutse.

Lukha 14:13 Referencias Cruzadas

2 Samuweli 6:19

Wase uniketa wonkhe umuntfu labekhona kuleso sicuku umkhama wesinkhwa, nelicebelengwane lemasundvu kanye nelemagelebisi lomisiwe, onkhe ema-Israyeli, labadvuna nalabasikati. Bonkhe bantfu bacitseka babuyela emakhaya abo.

2 Tikhronike 30:24

Hezekiya, inkhosi yakaJuda, waletsa kulelibandla tinkunzi letiyinkhulungwane, netimvu netimbuti letiti-7 000, kwase kutsi letiphatsimandla tona taletsa tinkunzi letiyinkhulungwane netimvu netimbuti letiti-10 000. Baphristi labanyenti base batingcwelisa bona matfupha.

Nehemiya 8:10

Nehemiya wakhuluma esiveni, watsi: “Hambani niye emakhaya enu niyekudla kudla kwelikhetselo netinatfo letimnandzi, niphe nalabo labangenalutfo. Leli lilanga lelingcwele kuSimakadze wetfu. Ningakhatsateki, ngobe injabulo yenu levela kuSimakadze ingemandla enu.”

Nehemiya 8:12

Ngako bonkhe bantfu bahamba badla banatsa ngekujabula, bapha nalabanye kudla, ngobe bese bawacondzisisa kahle lawo mavi lababechazelwe wona.

Jobe 29:13

Umuntfu abetsi nase afa angibusise, ngangitijabulisa tinhlitiyo tebafelokati, tihlabele.

Taga 14:31

Nawucindzetela luphuya, wetfuka uMdali walo; kodvwa nawuphetse kahle loweswele, udvumisa uMdali wakhe.

Taga 22:9

Lowephanako naye uyawubusiswa, ngobe kudla kwakhe ukudla netimphuya.

Isaya 58:10

nawutinikela ekondleni labalambile, wenetise tidzingo talabacindzetelwe, ngulapho-ke kukhanya kwakho kuyawuphuma ebumnyameni kukukhanyisele, nebusuku bakho buyawufanana nasemini kala bha.

Isaya 58:7

Akusiko yini kuhlephulelana kudla kwakho nalabalambile, nekulalisa tihambi endlini yakho, nekutsi nawubona lohlubulile umembulele, ungagucukeli labo labayinyama nengati yakho?

Matewu 15:30

Ticumbi letikhulu teta kuye, tiletse tinchute netingini, netimphumphutse, netimungulu, netigulane letinyenti. Tabekwa embikwakhe; watiphilisa tonkhe.

Matewu 22:10

Ngako-ke tisebenti taphuma, taya etindleleni, tabutsa bonkhe letatihlangana nabo, lababi nalabahle ngalokufananako; indlu yemshado yagcwala letimenywa.

Lukha 11:41

Kodvwa banikeni labaphuyile lokusetinkomishini nemapuledini enu, konkhe kutabe kuhlambulukile kini.

Lukha 14:12

Jesu wase utsi kulona lammemile: “Nawente lidzili, ungabomema tihlobo takho, nome banakenu, nome tinini, nome bomakhelwane bakho labacebile, ngobe nawe bayawukumema, ngalendlela-ke uyawube sewuwutfolile umvuzo waloko kwenta kwakho.

Lukha 14:14

Uyawubusiswa, ngobe bangeke babe nemandla ekukwenana loko. Uyawubuyiselwa nguNkulunkulu ekuvukeni kwalabalungile.”

Lukha 14:21

“Sisebenti sancandzeka, safike satjela lomnumzane waso. Lomnumzane watfukutsela, watselwa ngemanti, waze watsi kuso: ‘Sheshisa uye etindleleni nasetitaladini edolobheni ubite timphuya, netishosha, netimphumphutse netinchute.’

Imisebenti yebaPhostoli 9:39

Ngako Phetro watilungisela wahamba nabo. Nasafikile bamtsatsa bamyisa kulendlu leyayisesitezi. Bonkhe bafelokati bamsingatsa, bakhala bamkhombisa emahembe nemajazi labentiwe nguDokhasi asengakafi.

Dutheronomi 14:29

kuze kutsi emaLevi late sabelo nome lifa lekungelawo, nebetive, netintsandzane, nebafelokati labahlala emadolobheni enu bangeta batekudla besutse, kuze Simakadze Nkulunkulu wenu anibusise kuko konkhe lenikwentako.”

Dutheronomi 16:11

Niyawujabula embikwaSimakadze Nkulunkulu wenu endzaweni layakuyikhetsela kubeka Libito lakhe, kujabule nine, kanye nemadvodzana nemadvodzakati enu, netigcili netigcilikati tenu, nemaLevi lakulamadolobha enu, nebetive, netintsandzane, nebafelokati labahlala kanye nani.

Dutheronomi 16:14

Niyawujabula eMkhosini wenu nine, nemadvodzana nemadvodzakati enu, netigcili kanye netigcilikati tenu, nemaLevi, nebetive, netintsandzane, nebafelokati labahlala emadolobheni enu.

1 kuThimothi 3:2

Umbonisi kufanele kube yindvodza lengasoleki, lenemfati munye, letibambako, lezitsile, lehloniphekile, lephatsa kahle tihambi, lenemasu ekufundzisa,

1 kuThimothi 5:10

Kufanele atiwe ngetento takhe letinhle, njengemuntfu lowake wondla wakhulisa bantfwana, waphatsa kahle tihambi, wageza tinyawo talabangcwele, wasita labahluphekile, futsi kufanele abe ngulabetinikele kwenta lokuhle nome ngayiphi indlela.

kuThithusi 1:8

Kodvwa kufanele aphatse kahle tihambi, atsandze lokulungile, aticaphele abe cotfo, abe ngcwele, atibambe.

kuFilemoni 1:7

Lutsandvo lwakho luyangijabulisa, futsi luyangikhutsata, mzalwane wami. Tinhlitiyo talabanyenti labangcwele tihlunyelelisiwe ngalo.

KumaHebheru 13:2

Ningakhohlwa kungenisa tihambi emakhaya enu, ngobe labanye ngekwenta njalo bangenisa tingilosi bangaketeleli.