Lukha 12:7 - Siswati 1996 Bible

⁷ Hhawu, ingani netinwele tenhloko yenu tibaliwe. Ngako ningesabi; nine nibaluleke kakhulu kunaboncedze labanyenti.”

Lukha 12:7 Referencias Cruzadas

2 Samuweli 14:11

Waphendvula watsi: “Nkhosi, ngicela kutsi uthandaze kuSimakadze Nkulunkulu wakho, kutsi lesihlobo sami lesifuna kukhokha sibhongo ngekubulala lendvodzana yami, singengeti bubi ngekubulala lena lenye indvodzana yami.” Inkhosi yatsi: “Ngifunga kuphila kwaSimakadze ngitsi, ngisho lunwele lunye enhloko yendvodzana yakho lungeke luwele emhlabatsini.”

Jobe 35:11

losifundzisa lokunyenti tsine kunetilwane temhlaba, asente sihlakaniphe kakhulu kunetinyoni letindiza emoyeni?’

Tihlabelelo 8:6

Umenta abuse etikwemisebenti yetandla takho, konkhe wakubeka ngaphansi kwetinyawo takhe:

Matewu 12:12

Pho-ke, umuntfu ubaluleke kakhulu kanganani-ke kunemvu? Ngako-ke kuvunyelwe kwenta lokuhle ngeliSabatha.”

Matewu 6:26

Bukani tinyoni temoya kutsi atihlanyeli, ativuni, atibeki lutfo etilulwini, kodvwa uYihlo losezulwini uyatondla. Anincono kakhulu yini nine kunato?

Lukha 21:18

Kodvwa kute nome lunye nje lunwele loluyawulahleka etinhloko tenu.

Imisebenti yebaPhostoli 27:34

Ngako-ke ngiyanicela kutsi nidle, nidzinga kudla khona nitewuba nemandla. Ngeke kulahleke ngisho nalunye lunwele lwetinhloko tenu.”

1 Samuweli 14:45

Kodvwa lamadvodza akhuluma kuSawula, atsi: “Jonathani sekufanele afe, yena lona losindzise sive sema-Israyeli kangaka? Cha, ngeke! Setsembisa ngaSimakadze kutsi kute ngisho nelunwele lwenhloko yakhe lolutakuwela phansi emhlabatsini, ngobe loku lakwente lamuhla uphumelele ngekusitwa nguNkulunkulu.” Lamadvodza amsindzisa Jonathani, akazange abulawe.