Lukha 12:5 - Siswati 1996 Bible

⁵ Kodvwa ngitaneluleka ngalenifanele kumesaba. Mesabeni lowo longuYena anemandla ekubulala umtimba aphindze ashisane esihogweni; yebo, nginitjela ngitsi: Yesabani lowo!

Lukha 12:5 Referencias Cruzadas

Tihlabelelo 9:17

Lababi baya ekufeni, yebo, bonkhe labafulatsela Nkulunkulu.

Taga 14:26

Kwesaba Simakadze umuntfu kumenta abe nenqaba yekuphephela; lenqaba iba siphephelo sebantfwabakhe.

Jeremiya 10:7

Ngubani longete akuhlonipha wena, awu, wena Nkhosi yetive? Lolu ludvumo lolufanele wena. Kute namunye lofanana nawe, kuto tonkhe tihlakaniphi tetive, nakuyo yonkhe imibuso yato.

Jeremiya 41:18

babalekela emaBhabhulona. Babewesaba, ngobe Ishmayeli, umsa waNethaniya, abesabulele Gedaliya, umsa wa-Ahikamu, labesabekwe yinkhosi yaseBhabhulona kutsi abe ngumbusi welive.

Jeremiya 5:22

Kufanele ningangesabi yini mine?” kusho Simakadze. “Akufanele yini nitfutfumele ebukhoneni bami? Ngenta sihlabatsi saba ngumnyele welwandle, umtsangala waphakadze lolungeke luwengce. Emagagasi angakhephuka, kodvwa angeke aphumelele, angabhodla, kodvwa angeke awengce.

Matewu 10:28

Ningabesabi lababulala umtimba kodvwa babe bangeke bawubulale umphefumulo; lokungenani, mesabeni Yena, lokwati kubulala umtimba nemphefumulo kokubili esihogweni.

Matewu 25:41

“Iyawutsi kulaba labangesancele: ‘Khweshani kimi, nine labacalekisiwe, niye emlilweni waphakadze lolungiselwe Sathane netingilosi takhe!

Matewu 25:46

Labo-ke bayawuhamba baye ekujezisweni kwaphakadze; kodvwa labalungile bayakuya ekuphileni kwaphakadze.”

Matewu 5:22

Kepha mine ngitsi kini: Lowo lotfukutselela umnakabo, uyawulahlwa licala; nalowo lowetfuka umnakabo, uyakuba nelicala emtsetfweni; nalowo lotsi kumnakabo: ‘Silima,’ uyawufanelwa ngumlilo wesihogo.

Makho 13:23

“Kodvwa caphelani, ngobe senginitjele konkhe loku kungakenteki.”

1 kubaseThesalonika 4:6

Akubete lowonako aphambe umzalwane wakhe nome ngani, ngobe Nkulunkulu ungumphindziseli kuto tonkhe letintfo, njengobe saniyalisisa nje.

KumaHebheru 10:31

Maye, kuyesabeka kwehlulelwa nguNkulunkulu lophilako!

2 yaPhetro 2:4

Nkulunkulu akazange atiyekele tingilosi letona, kodvwa watilahla kalasha emigodzini yebumnyama bebumnyama, kutsi titewugcinelwa kwehlulelwa.

Sembulo 14:7

Yakhuluma ngelivi lelikhulu yatsi: “Yesabani Nkulunkulu, nimnike ludvumo, ngobe sikhatsi sekwehlulela kwakhe sesifikile; mkhonteni yena lowo lowenta lizulu nemhlaba, nelwandle, nemitfombo yemanti!”

Sembulo 15:4

Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”

Sembulo 20:14

Kufa nendzawo yalabafile kwajikwa echibini lemlilo. Loku kufa kwesibili, lichibi lelivutsa umlilo.