Lukha 12:18 - Siswati 1996 Bible

¹⁸ Sachubeka satsi: ‘Ngitakwenta naku: Ngitawubhidlita tonkhe tinyango tami, bese ngakha letinkhulu, lapho ngitawugcina khona sonkhe sivuno netimphahla tami,

Lukha 12:18 Referencias Cruzadas

Tihlabelelo 17:14

Simakadze, ngephule ngesandla sakho etandleni talabagungubele ngetintfo talomhlaba. Bajezise ngekuhlupheka lobabekele kona. Shangatsi kungenela bona kanye nebantfwababo, kwendlulele nakubatukulu bebatukulu babo.

Matewu 6:26

Bukani tinyoni temoya kutsi atihlanyeli, ativuni, atibeki lutfo etilulwini, kodvwa uYihlo losezulwini uyatondla. Anincono kakhulu yini nine kunato?

Lukha 12:17

sase sicabanga enhlitiyweni yaso satsi: ‘Manje sengitakwente njani, ngobe ayisekho indzawo yekugcina lesivuno sami?’

Lukha 12:19

bese ngikhuluma ngedvwana ngitsi: Cha, senginetimphahla lengitibekele tona teminyaka leminyenti; angikhululeke, ngidle, nginatse, ngijabule!’

Lukha 12:21

“Kunjalo-ke kulowo lotibekela umcebo, kantsi akacebi kuNkulunkulu.”

Lukha 12:24

Ase nibuke emangangane! Akahlanyeli akavuni; ate tincolobane netilulu, kodvwa noko Nkulunkulu uyawondla. Nibaluleke kakhulu kangakanani-ke nine kunetinyoni!

Lukha 18:4

Kwaba sikhatsi lesidze umehluleli angavumi, kodvwa ekugcineni watsi: ‘Nome ngingamesabi Nkulunkulu ngingahloniphi muntfu,

Lukha 18:6

INkhosi yachubeka yatsi: “Lalelani kutsi watsini lomehluleli lomubi!

YaJakobe 3:15

Lokuhlakanipha akuchamuki ngetulu, kodvwa ngekwemhlaba, nekwemvelo, nekwebusathane;

YaJakobe 4:13

Labanye benu banemkhuba wekutsi: “Lamuhla nakusasa sitakuya kulela dolobha, sihlale umnyaka, sitsenge sitsengise, bese sitfola inzuzo.”

YaJakobe 4:15

Esikhundleni saloko ngabe nitsi: “INkhosi nayivuma, sitawuphila sente loku nalokwa.”