Lukha 11:48 - Siswati 1996 Bible

⁴⁸ Nani matfupha niyakuvuma kutsi loko lokwentiwa bokhokho benu kulungile; ngobe babulala baphrofethi, nine senakha emadliza abo.

Lukha 11:48 Referencias Cruzadas

2 Tikhronike 36:16

Kodvwa baphukuta letitfunywa taNkulunkulu, bawedzelela emavi akhe, babahhalatisa nalabaphrofethi, lwadzimate lulaka lwaNkulunkulu lwavukela bantfu bakhe, futsi kwabate nalobasindzisako.

Jobe 15:6

Awulahlwa ngimi, kodvwa ulahlwa ngumlomo wakho, ulahlwa nguloko lokukhulunywa nguwe lucobo lwakho.

Tihlabelelo 64:8

Lulwimi lwabo luyawubabhubhisa, bonkhe labababonako bayawunikina tinhloko.

Hezekeli 18:19

“Kodvwa nine niyabuta nitsi: ‘Kwentiwa yini kutsi indvodzana ingetfwali licala leyise?’ Njengobe indvodzana yente lokulungile nalokucotfo, futsi beyivele icaphele kutsi igcine tonkhe timiso tami, ngempela iyawuphila.

Matewu 23:27

“Maye kini, bafundzisi bemtsetfo nebaFarisi! Batentisi! Nifana nemathuna lacakaciwe aba mhlophe, abukeka amahle ngephandle, kodvwa ngekhatsi abe agcwele ematsambo ebantfu labafile nekungcola konkhe.

Matewu 23:31

Kanjalo nitifakazela nine kutsi ningemadvodzana alabo lababulala baphrofethi.

Lukha 11:47

“Maye kini! Nenta emadliza ebaphrofethi lababulawa bokhokho benu abe mahle.

Lukha 11:49

Ngako-ke kuHlakanipha kwaNkulunkulu kwatsi: ‘Ngiyawubatfumela baphrofethi nebaphostoli; labanye babo bayawubabulala babahluphe!’

KubaseRoma 1:32

Bayawati umtsetfo waNkulunkulu lotsi bantfu labenta tintfo letinje bafanele kufa, kepha bona abagcini ngekutenta kuphela kodvwa besuka bavumelana nalabo labatentako.

YaJakobe 5:10

Bazalwane, tsatsani sibonelo sekuhlupheka nekubeketela kwebaphrofethi labebakhuluma egameni leNkhosi.

Joshuwa 24:22

Joshuwa wabe sewukhuluma utsi: “Nine nibofakazi bekutilahla nine matfupha ngekutsi nitikhetsele kukhonta Simakadze.” Bamphendvula batsi: “Yebo, sibofakazi.”