Lukha 11:22 - Siswati 1996 Bible

²² Kodvwa nangabe umuntfu lonemandla kunaye alwa naye amehlule, uchwaga tonkhe letikhali abegungubele ngato, atenetise bangani bakhe.

Lukha 11:22 Referencias Cruzadas

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

Eksodusi 15:9

“Sitsa satsi: ‘Ngitawubacosha ngize ngibakhandze. Ngitawutehlukanisela ngaloko lengikudle kubo, ngititike ngako; ngitawukhipha inkemba yami ngibabhubhise.’

Isaya 27:1

Ngalelo langa Simakadze uyawujezisa ngenkemba yakhe leyesabekako, lenkhulu nalenemandla lamakhulu, uyawujezisa Leviyathani, inyoka lenyelelako, yebo, Leviyathani, inyoka letibutsako; yena uyawubulala silo saselwandle.

Isaya 53:12

Ngako-ke ngiyawuyinika sabelo emkhatsini walabakhulu, iyakwehlukanisa imphango nalabanemandla, ngobe yatfululela kuphila kwayo ekufeni, yabalwa kanye netoni. Ngobe yetfwala tono talabanyenti, yancusela toni.”

Lukha 11:21

“Nangabe umuntfu lonemandla, ahlome aphelele, bese ugadza indlu yakhe, tonkhe timphahla takhe tiphephile.

Lukha 11:23

“Wonkhe longekho ngakimi, uphambene nami; longangisiti ekubutseni, uyasakata.”

Kubase-Efesu 6:11

Hlomani tonkhe tikhali taNkulunkulu, khona nitewuba nemandla ekumelana nebucili baSathane.

Kubase-Efesu 6:13

Ngako-ke hlomani tikhali tonkhe taNkulunkulu, khona nitewuba nemandla ekulwa ngelilanga lelibi, nitsi nome senicedzile kulwa, nigcine nincobile.

KubaseKholose 2:15

Babusi, nalabanemandla wabemuka tikhali, wabatsela ngelihlazo ebaleni abehlula ngaso siphambano.

1 yaJohane 3:8

Umuntfu lowonako waSathane, ngobe Sathane wona kusukela ekucaleni. Kodvwa iNdvodzana yaNkulunkulu yetela kona loko, kucitsa imisebenti yaSathane.

1 yaJohane 4:4

Bantfwabami, nine nibaNkulunkulu, senibehlulile baphrofethi bemanga, ngobe lowo lokini mkhulu kunalowo losemhlabeni.