Lukha 10:14 - Siswati 1996 Bible

¹⁴ “Ngelilanga lekwehlulela niyawujeziswa kamatima kunebaseThire nebaseSidoni.

Lukha 10:14 Referencias Cruzadas

Joweli 3:4

“Pho, yini leniphambane ngayo nami, nine Thire neSidoni kanye nani nonkhe nine tifundza taseFilistiya? Kungabe nikhokha sibhongobhongo ngalengikwentile yini? Nangabe nikhokha sibhongobhongo, ngekushesha nangekuphatima kweliso, ngitawubuyisela etikwetinhloko tenu loko lenikwentile.

Amose 1:9

Naku lokushiwo nguSimakadze, utsi: “Bantfu baseThire bone kwaze kwengca, ngaleso sizatfu ngingeke ngihlale ngingabajezisi. Batfumba yonkhe imindeni yesive bayitsengisa ka-Edomu, bangete basigcina sivumelwane sebuhlobo lesasentiwe.

Amose 3:2

“Ngini kuphela lenginikhetsile emkhatsini wato tonkhe tive temhlaba; ngako-ke ngitanijezisa ngenca yato tonkhe tono tenu.”

Matewu 10:15

Ngicinisile, ngitsi kini: Kuyawuba ncono eveni laseSodoma nelaseGomora ngelilanga lekwehlulela kunakulowo muti.”

Matewu 11:21

Watsi: “Maye kuwe, Khorazini! Maye nakuwe, Bhethsayida! Ngobe kube lemisebenti yemandla lebeyenteke kini beyenteke eThire naseSidoni, ngabe kadze batitsela ngemlotsa bembatsa emasaka bakhombisa kuphendvuka.

Johane 3:19

Kwehlulelwa ngiko loko kutsi: Kukhanya kutsi sekufikile emhlabeni, kepha bantfu babe batsandza bumnyama kunekukhanya, ngenca yemisebenti yabo lemibi.

KubaseRoma 2:1

Ngako-ke ngeke utilandvulele, wena muntfu-ndzini, nome ngabe ungubani wena lowehlulelako; ngobe ngekwehlulela lomunye utilahla wena, ngobe nawe lowehlulelako uyakwenta kona loko.

KubaseRoma 2:27

Ngako-ke wena mJuda, uyawulahlwa ngumuntfu wetive, ngekutsi yena ugcina umtsetfo nome angazange asasoke enyameni, ngobe wena wephula umtsetfo nome unawo ubhalwe phansi, kantsi futsi usokile.