Lukha 1:8 - Siswati 1996 Bible

⁸ Ngalelinye lilanga kwakuligema laZakhariya lekwenta umsebenti wakhe webuphristi kuNkulunkulu njengalokwakwetayelekile.

Lukha 1:8 Referencias Cruzadas

1 Tikhronike 24:19

Lamadvodza-ke abhaliswa ngekulandzelana kwekukhonta kwawo lokwakumisiwe, kwetikhatsi tekungena kwawo ethempelini laSimakadze, njengekwemininingwane yemiyalo labekelwa yona nguyisemkhulu Aroni, njengobe Simakadze, Nkulunkulu wema-Israyeli, abeshito kuye.

1 Tikhronike 24:2

Kodvwa bo-Abihu naNadabi bafa kucala kuneyise, babesete bantfwana. Bo-Eleyazare-ke na-Ithamari bona basale bakhonta babaphristi.

2 Tikhronike 11:14

EmaLevi adzimate ashiya onkhe emadlelo awo nemafa awo, aya kaJuda naseJerusalema, ngobe Jerobowamu kanye nemadvodzana akhe abesavele abacoshile ekutseni babe baphristi baSimakadze.

2 Tikhronike 31:19

Macondzana nebaphristi, titukulwane ta-Aroni, lababehlala emadolobheni abo nome emaphandleni laseceleni kwemadolobha abo, emadvodza abekhetfwa ngemabito awo kutsi ehlukanise tabelo kubo bonkhe labadvuna babo nakubo bonkhe labebabhaliwe etincwadzini temilandvo yekutalana kwemaLevi.

2 Tikhronike 31:2

Hezekiya wabela baphristi nemaLevi imisebenti yabo ngeticheme tabo, nguleso naleso sicheme njengekwemsebenti waso: Bekungumsebenti wekunikela iminikelo yekushiswa neyebudlelwane, nemsebenti wekukhonta, newekubonga, newekuhlabela tingoma tekudvumisa emasangweni endzawo yaSimakadze yekuhlala.

2 Tikhronike 8:14

Ngaloko abelandzela imiyalo yeyise Davide, wemisa ticheme tebaphristi wabaniketa nemisebenti yabo, nemaLevi kutsi ahole kubonga abuye abambisane nebaphristi kuloko lokwakudzingeka ngawo onkhe emalanga. Wabuye wabeka nabomahlalesangweni ngeticheme tabo, njengekwehlukana kwalamasango. Loko kwaba njengaloku Davide, inceku yaNkulunkulu, abeshito.

Ezra 6:18

Babeka baphristi ngabolonina, babeka nemaLevi ngetigaba tawo, balungiselelwa kukhonta Nkulunkulu eJerusalema, macondzana naloko lokwakubhalwe encwadzini yemtsetfo waMosi.

Eksodusi 28:1

“Ubobe sewubita umnakenu, Aroni, kanye nemadvodzana akhe boNadabi, na-Abihu, naEleyazare, na-Ithamari, ubehlukanise nema-Israyeli, ngobe ngifuna babe baphristi bekungikhonta.

Eksodusi 28:41

Letimphahla ubotembatsisa umnakenu Aroni nemadvodzana akhe. Ubobagcoba ngemafutsa emncumo, ungehlukanisele bona babe ngcwele bangene esigabeni sekungikhonta njengebaphristi.

Eksodusi 29:1

“Naku lofanele ukwente nawunikela bo-Aroni nemadvodzana akhe kulenkonzo yekuba baphristi: Ubotsatsa inkunzana, netihhanca letimbili letingenasiyela.

Eksodusi 29:44

“Lelithende lekuhlangana nelilati ngitawukungcwelisa; bo-Aroni nemadvodzana akhe ngitabehlukanisela inkonzo yekuba baphristi.

Eksodusi 29:9

uwabophe ngemabhande etinkhalweni tawo, uwafake nemishuculo etinhloko. Utamgcoba kanjalo-ke Aroni kanye nemadvodzana akhe. Bona netitukulwane tabo bayawuba baphristi bami phakadze naphakadze.

Eksodusi 30:30

Ubogcoba bo-Aroni nemadvodzana akhe babe ngcwele, khona batewungikhonta njengebaphristi bami.

Numeri 18:7

Kodvwa wena nemadvodzana akho niyawukhonta njengebaphristi kuko konkhe lokukwaselatini nangekhatsi kwendvwangu. Ngininika inkonzo yebuphristi njengesipho. Lowo longakafaneli loyawusondzela eceleni kwalelilati, uyawubulawa.”

Lukha 1:5

Ngesikhatsi kubusa Herodi, inkhosi yaseJudiya, kwakunemphristi labebitwa ngekutsi nguZakhariya, abewelicembu la-Abiya lebuphristi. Umkakhe abewesitukulwane sa-Aroni, libito lakhe kungu-Elizabethe.

Lukha 1:7

Babete bantfwana, ngobe Elizabethe abengatali, futsi bobabili besebakhulile.