Lukha 1:32 - Siswati 1996 Bible

³² Uyawuba mkhulu, abitwe ngekutsi yiNdvodzana yaNkulunkulu Losetikwako Konkhe. Nkulunkulu iNkhosi iyawumnika sihlalo sebukhosi sakhokho wakhe Davide,

Lukha 1:32 Referencias Cruzadas

2 Samuweli 7:16

Indlu yakho nembuso wakho kuyakuma embikwami kuze kube phakadze. Sihlalo sakho sebukhosi siyakuhlala sisimile phakadze naphakadze.” ’ ”

Tihlabelelo 132:11

Simakadze wafunga kuDavide, wenta sifungo langeke ajike kuso, watsi: “Lomunye wemadvodzana akho ngiyawumenta abe yinkhosi emvakwakho.

Tihlabelelo 132:12

Nangabe bantfwabakho bagcina sivumelwane sami netimiso tami lengiyawubafundzisa tona, nebantfwababo futsi bayawuhlala esihlalweni sakho sebukhosi, kuze kube phakadze.”

Isaya 16:5

bese sihlalo sebukhosi sima ngelutsandvo; nangekwetsembeka kuyawuhlala umuntfu kuso, umuntfu loyawuvela endlini yakaDavide, umehluleli loyakwehlulela ngekungakhetsi, ayisheshisise indlela yekulunga.

Jeremiya 17:25

ngako-ke emakhosi lahlala esihlalweni sebukhosi saDavide, ayawungena ngemasango alelidolobha akanye netindvuna tawo. Wona kanye netindvuna tawo ayawuta agibele tincola temphi kanye nemahhashi, baphekeletelwa bantfu bakaJuda nalabo labahlala eJerusalema; lelidolobha seliyawuhlala linebantfu phakadze naphakadze.

Jeremiya 22:2

‘Vani livi laSimakadze, wena nkhosi yakaJuda, wena lohlala esihlalweni saDavide sebukhosi, wena, netindvuna takho, nebantfu bakho labangena kulamasango.

Danyela 2:44

“Ngesikhatsi salawo makhosi, Nkulunkulu welizulu uyawumisa umbuso longasoze wabhujiswa lutfo, futsi ngeke unikwe labanye bantfu. Uyawupitjita yonkhe leminye imibuso uyicedze, kodvwa wona uyawukuma kuze kube phakadze.

Matewu 1:1

Lona ngumlandvo wekutalwa kwaJesu Khristu, labesitukulwane saDavide, naye abesitukulwane sa-Abrahama.

Matewu 12:42

Indlovukazi yaseningizimu iyawusukuma kanye nalesitukulwane ekwehlulelweni, isilahle, ngobe yesuka emikhawulweni yemhlaba yatawulalela kuhlakanipha kwaSolomoni; ase nibuke-ke, ngobe lapha kukhona lomkhulu kunaSolomoni!”

Matewu 28:18

Jesu wasondzela kubo watsi: “Ngiphiwe emandla onkhe ezulwini nasemhlabeni.

Matewu 3:11

“Mine nginibhabhatisa ngemanti, kubonakalisa kuphendvuka; kepha lona longilandzelako unemandla kakhulu kunami, mine lengingakafaneli nekutsi ngingaphatsa tincabule takhe; yena utawunibhabhatisa ngaMoya Longcwele nangemlilo.

Makho 14:61

Kodvwa Jesu wathula, wangete wamphendvula. Waphindza futsi umPhristi Lomkhulu wambuta watsi: “Unguye yini Khristu, iNdvodzana yaLobongekako?”

Makho 5:7

Yamemeta ngelivi lelikhulu yatsi: “Ufunani kimi wena, Jesu, Ndvodzana yaNkulunkulu Losetikwako Konkhe? Mane ungangihluphi!”

Lukha 1:15

ngobe uyakuba ngumuntfu lomkhulu ebusweni baNkulunkulu, akayiwulinatsa liwayini nome-ke yini ledzakisako, uyawugcwaliswa ngaMoya Longcwele kusukela angakatalwa.

Lukha 1:35

Ingilosi yamphendvula yatsi: “Moya Longcwele uyakwehlela kuwe, emandla aNkulunkulu Losetikwako Konkhe akusibekele. Ngako-ke lomntfwana Longcwele lotawutalwa nguwe uyawubitwa ngekutsi yiNdvodzana yaNkulunkulu.

Lukha 1:76

Nawe-ke, mntfwana, uyawubitwa ngekutsi ungumphrofethi waNkulunkulu Losetikwako Konkhe; uyakwendvulela iNkhosi kulungisa tindlela tayo,

Lukha 3:16

Ngako Johane wabatjela bonkhe watsi: “Nginibhabhatisa ngemanti, kodvwa kukhona lomkhulu kunami lotako, lengingakafaneli ngisho nekutfukulula imichilo yeticatfulo etinyaweni takhe. Utakunibhabhatisa ngaMoya Longcwele nangemlilo.

Lukha 6:35

Cha! Tsandzani titsa tenu nitentele lokuhle, nitjeleke ningabheki lutfo! Niyawuba nemvuzo lomkhulu ezulwini, nibe ngemadvodzana aLosetikwako Konkhe. Ngobe unemusa kulabangabongi nakulababi.

Johane 12:34

Lesicumbi samphendvula satsi: “Sivile emtsetfweni kutsi Khristu uyawuphila kuze kube phakadze. Kepha wena usho kanjani kutsi iNdvodzana yeMuntfu itawuphakanyiswa? Ngubani yona leNdvodzana yeMuntfu?”

Johane 6:69

Nyalo sesiyati, futsi siyakholwa, kutsi wena unguLongcwele waNkulunkulu.”

Imisebenti yebaPhostoli 16:17

Sasivamise kulandzela tsine naPawula, simemete sitsi: “Labantfu laba tinceku taNkulunkulu Losetikwako Konkhe, bamemetela kini indlela yensindziso.”

Imisebenti yebaPhostoli 2:30

Njengemphrofethi-ke ati futsi kutsi Nkulunkulu abetsembisile ngesifungo kuye kutsi uyawukhetsa lomunye wesitukulwane sakhe amente abe yiNkhosi njengaye.

Imisebenti yebaPhostoli 2:36

“Bonkhe bantfu baka-Israyeli, kufanele bati kahle kutsi nguye yena loJesu, lenambetsela esiphambanweni, Nkulunkulu lasamente iNkhosi naKhristu!”

Imisebenti yebaPhostoli 7:48

Kodvwa loNkulunkulu Losetikwako Konkhe akahlali etindlini letakhiwe ngetandla, njengekusho kwemphrofethi lotsi:

KubaseRoma 1:4

ngebungcwele bakhe basezulwini kwakhonjiswa ngemandla lamakhulu kutsi uyiNdvodzana yaNkulunkulu ngekutsi avuswe ekufeni.

Sembulo 3:7

“Bhalela ingilosi yelibandla laseFiladelfiya utsi: “ ‘Nali livi leliphuma kuye longcwele, loliciniso, lonesikhiya saDavide, lovula kungavali muntfu, avale kungavuli muntfu, utsi: