Lukha 1:15 - Siswati 1996 Bible

¹⁵ ngobe uyakuba ngumuntfu lomkhulu ebusweni baNkulunkulu, akayiwulinatsa liwayini nome-ke yini ledzakisako, uyawugcwaliswa ngaMoya Longcwele kusukela angakatalwa.

Lukha 1:15 Referencias Cruzadas

Genesisi 12:2

Ngitakwenta ube sive lesikhulu, ngikubusise, ngente libito lakho libe likhulu, wena ube sibusiso.

Genesisi 48:19

Kodvwa uyise wala, watsi: “Ngiyati, ndvodzana yami, ngiyati. Naye utaba sive, naye futsi utaba mkhulu. Kodvwa nome kunjalo, lona lomncane utawuba mkhulu kunaye, netitukulwane takhe tiyawuba tive letinkhulu.”

1 Tikhronike 17:8

Benginawe kuyo yonkhe indzawo lapho bewuhamba khona, ngibhubhise tonkhe titsa takho embikwakho. Manje ngitakwenta libito lakho libe njengemabito ebantfu labakhulu emhlabeni.

1 Tikhronike 29:12

Ingcebo neludvumo kuphuma kuwe; wena ungumbusi wato tonkhe tintfo. Esandleni sakho kunemandla neligunya kwekuphakamisa nekucinisa bonkhe.

Tihlabelelo 22:9

Empeleni nguwe lowangikhipha esiswini samake; wangenta ngetsembela kuwe, kusukela ngisamunya.

Jeremiya 1:5

“Ngisengakakubumbi esitalweni senyoko ngakwati, watsi usengakatalwa, ngavele ngakwehlukanisela; ngakubeka kutsi ube ngumphrofethi etiveni.”

Jeremiya 35:6

Kodvwa baphendvula batsi: “Asilinatsi liwayini, ngobe khokho wetfu Jonadabi, umsa waRekhabi, wasinika lowo myalo watsi: ‘Nine netitukulwane tenu ningacali nilinatse liwayini.’

Levithikusi 10:9

“Wena nemadvodzana akho aniyikulinatsa liwayini nome tjwala nome yini ledzakisanako, nanitakuya ethendeni lekuhlangana, ngobe nanike nakwenta loko, niyawufa. Lomtsetfo kufanele ugcinwe titukulwane ngetitukulwane.

Zakhariya 9:15

Simakadze longuSomandla uyakubavikela bantfu bakhe. Bayawubhubhisa bancobe ngematje etilingi. Bayawunatsa ingati babhodle kube shangatsi ngungeliwayini; bayawucitsa ingati yetitsa tabo iphuphume njengesitja lesisetjentiswa ekunyenyeteni emakona aselatini.

Lukha 1:14

Maye! Utawujabula utfokote kakhulu, nebantfu labanyenti batakujabula kanye nawe ngekutalwa kwakhe,

Lukha 7:28

Wachubeka watsi: “Ngiyanitjela ngitsi, akekho namunye, lotelwe ngumfati, lomkhulu kunaJohane, kepha loyo lomncane embusweni waNkulunkulu, mkhulu kunaye.”

Lukha 7:33

“Johane uMbhabhatisi wazila kudla wangete wanatsa neliwayini, nase nitsi: ‘Unelidimoni!’

Johane 5:35

Yena-ke abesibane lesivutsako nalesikhanyako, nine-ke benitimisele kujabula kwesikhashana ekukhanyeni kwakhe.

Imisebenti yebaPhostoli 2:4

Bonkhe bagcwaliswa ngaMoya Longcwele; base bakhuluma ngaletinye tilimi, njengobe Moya wabapha kuphumisela.

KubaseGalathiya 1:15

Kodvwa Nkulunkulu wavele wangehlukanisela ngingakatalwa, wangibita ngemusa wakhe. Kwatsi nakakhetsa

Kubase-Efesu 5:18

Ningadzakwa, ngobe kuvela kuko inkhanuko, kodvwa gcwaliswani ngaMoya.

Joshuwa 3:7

Nkulunkulu wakhuluma kuJoshuwa, watsi: “Lamuhla wena ngitakuphakamisa embikwaso sonkhe sive saka-Israyeli, kuze sati kutsi njengobe nganginaye Mosi, nawe ngiyawuba nawe.

Joshuwa 4:14

Ngalelo langa Simakadze waphakamisa Joshuwa embikwaso sonkhe sive sema-Israyeli, sive samhlonipha Joshuwa imphilo yakhe yonkhe, njengobe sasimhlonipha naMosi.