Lukha 1:10 - Siswati 1996 Bible

¹⁰ Sicumbi sonkhe sebantfu sasithandaza ngephandle ngesikhatsi ashisa imphepho.

Lukha 1:10 Referencias Cruzadas

Tihlabelelo 141:2

Shangatsi umthandazo wami ungaba njengemphepho kuwe; nekuphakamisa kwami tandla akube kuwe njengemihlatjelo yakusihlwa.

Hezekeli 46:3

Ngawo onkhe emaSabatha nangayo yonkhe imikhosi yekwetfwasa kwenyanga, bonkhe bantfu kufanele batewukhotsama phansi bakhonte Simakadze embikwalelisango.

Levithikusi 16:17

Kufanele kubete lobasethendeni lekuhlangana kusukela ngesikhatsi Aroni nakangena endzaweni lengcwelengcwele kuyawukwenta inhlawulo yekubuyisana kuSimakadze kuze kube sikhatsi sekuphuma kwakhe, asente kuSimakadze inhlawulo yekubuyisana kwakhe nekwemndeni wakhe kanye nekwesive sonkhe sema-Israyeli.

Numeri 7:50

ingwembe yegolide lenesisindvo lesasingemagremu labengaba li-110, igcwele imphepho;

KumaHebheru 4:14

Njengobe sinemPhristi Lomkhulu kakhulu, Jesu iNdvodzana yaNkulunkulu, lodzabule emazulu, asibambelele kuso sivumo sekukholwa kwetfu.

KumaHebheru 9:24

Ngobe Khristu akangenanga endzaweni lengcwelengcwele leyentiwe ngetandla nalengumfutiselo waleyo lengiyo sibili; kodvwa wangena ezulwini sibili, lapho abonakala khona asimele kuNkulunkulu.

Sembulo 8:3

Lenye ingilosi yeta yema ngaselatini iphetse sitja segolide semphepho, yanikwa imphepho lenyenti kutsi iyengete iyihlanganise nemithandazo yabo bonkhe labangcwele, inikele ngayo etikwelilati legolide lelalisembikwesihlalo sebukhosi.