Levithikusi 9:22 - Siswati 1996 Bible

²² Aroni wasiphakamisela tandla takhe sive, wasibusisa. Wase uyehla, nasacedze kunikela umnikelo wesono, newekuthula, newekushiswa.

Levithikusi 9:22 Referencias Cruzadas

1 Emakhosi 8:55

Wasukuma wabusisa sonkhe sive sema-Israyeli ngelivi lelikhulu, watsi:

1 Tikhronike 23:13

Emadvodzana a-Amramu: Bekubo-Aroni naMosi; Aroni wehlukaniselwa, yena kanye nentalelwane yakhe phakadze naphakadze kutsi bakhonte ngato tonkhe tintfo letingcwelengcwele tihlale tingcwele, bashise imphepho embikwaSimakadze, bakhonte ebukhoneni bakhe basho netibusiso ngeLibito lakhe phakadze naphakadze.

2 Tikhronike 6:3

Kwatsi ngesikhatsi sonkhe sive siseme khona lapho, inkhosi yagucukela kuso yasibusisa.

Tihlabelelo 72:17

Shangatsi libito layo lingahlala ingunaphakadze, lichubeke latiwe njengelilanga. Tive tonkhe atibusiswe ngayo; tiyawumbita ngekutsi yinkhosi lebusisekile.

Eksodusi 39:43

Mosi wakuhlola konkhe wakubukisisa, wabona kutsi kwentiwe njengobe abelayelwe nguSimakadze. Ngako-ke Mosi wase uyababusisa.

Numeri 6:22

Simakadze wakhuluma kuMosi, watsi:

Makho 10:16

Wabatsatsa labantfwana, wabagona, wabeka tandla etikwabo, wababusisa.

Lukha 24:50

Wase uphuma nabo, wabahola, waze wefika eBhetani, waphakamisa tandla takhe, wababusisa.

Imisebenti yebaPhostoli 3:26

Ngako Nkulunkulu wasikhetsa wasitfuma Sisebenti sakhe kini kucala kutenibusisa ngekunenta nonkhe niphendvuke nitishiye tindlela tenu tekonakala.”

Dutheronomi 10:8

Ngaso leso sikhatsi Simakadze wehlukanisela sive semaLevi kutsi umsebenti waso kube kwetfwala libhokisi lesivumelwane saSimakadze, nekuma embikwaSimakadze sikhonte siphimisele tibusiso egameni lakhe, njengobe sisenta nalamuhla.

Dutheronomi 21:5

Baphristi-ke, emadvodzana aLevi, bayawusondzela ngembili, ngobe Simakadze Nkulunkulu wenu ubakhetsile kutsi bakhonte baphindze baphumisele tibusiso egameni laSimakadze, bakhiphe netincumo tawo onkhe emacala embango kanye newekuhlaselana.

1 yaPhetro 3:9

Ningaphindziseli lokubi ngalokubi, nome inhlamba ngenhlamba; kodvwa esikhundleni saloko busisani, ngobe nabitelwa loko kutsi nidle lifa lekubusiswa.