Levithikusi 8:23 - Siswati 1996 Bible

²³ Mosi wase uyasibulala, watsatsa lenye yalengati wabhoca ngayo lihwandza lendlebe ya-Aroni yangesekudla, nesitfupha sangesekudla, naqukulu wangesekudla.

Levithikusi 8:23 Referencias Cruzadas

Eksodusi 29:20

Sihlabe, utsatse litsantana lengati yaso ubhoce lihwandza lendlebe ya-Aroni yangesekudla, uphindze ubhoce emahwandza etindlebe tangesekudla temadvodzana a-Aroni, uphindze ubhoce netitfupha tangesekudla, uphindze ubhoce naboqukulu bangesekudla, lengati letawusala uboyifafata ndzawo tonkhe kutungeleta lilati.

Eksodusi 29:21

Ubotsatsa lengati leselatini kanye nemafutsa emgcobo ufafate bo-Aroni nemadvodzana akhe kanye netingubo tabo; ngaloko bo-Aroni nemadvodzana akhe batawube sebanikelwe kimi kanye netingubo tabo.

Levithikusi 14:14

Umphristi utawube sewutsatsa litsantana lengati yemnikelo welicala, abhoce lihwandza lendlebe yangesekudla yalowo lotewuhlanjululwa, nesitfupha sakhe sangesekudla, naqukulu wangesekudla.

Levithikusi 14:17

Lamafutsa lasele entsendzeni yesandla sakhe, lamanye awo umphristi utawabhoca endlebeni yangesekudla, nasesitfupheni sangesekudla, nakuqukulu wangesekudla salowo lotewuhlanjululwa, etikwengati yemnikelo welicala.

Levithikusi 14:25

Utawuhlaba lelizinyane lemvu lelingumnikelo welicala, bese utsatsa ingati yalo uyibhoca ehwandzeni lendlebe yangesekudla, nasesitfupheni sangesekudla, nakuqukulu wangesekudla salowo lotewuhlanjululwa.

Levithikusi 14:28

Umphristi uyakwesulela incenye yalamafutsa lasesandleni sakhe ehwandzeni lendlebe yangesekudla yalowo lotewuhlanjululwa, nasesitfupheni sakhe sangesekudla, nakuqukulu wakhe wangesekudla, endzaweni lapho kubhocwe khona ingati yesono.

Levithikusi 7:37

Ngiyo lena-ke imitsetfo lecondzene neminikelo yekushiswa, neminikelo yalokutinhlavu, neminikelo yesono, neminikelo yelicala, neminikelo yemgcobo kanye neminikelo yekuthula,

KubaseRoma 12:1

Ngako-ke, bazalwane, njengobe Nkulunkulu ube nesihawu lesikhulu kangaka kitsi, ngiyanincenga ngitsi nikelani imitimba yenu ibe ngumnikelo lophilako, nalongcwele, nalowemukeleka kuNkulunkulu; leyo-ke nguyona nkonzo yenu sibili.

KubaseRoma 6:13

Futsi akusafanele kutsi ninikele titfo tenu esonweni tibe tikhali tekungalungi; kodvwa tinikeleni nine matfupha kuNkulunkulu njengobe ningulabavuswe ekufeni base bayaphila. Ngako-ke titfo tenu tinikeleni tibe tikhali tekulunga kuNkulunkulu.

KubaseRoma 6:19

Ase ngikhulumise kwemuntfu ngenca yebutsakatsaka bebuntfu benu, ngitsi: Njengaloku nake natinikela ngalokuphelele kutsi nibe tigcili temanyala nekukhohlakala lokukhulu, kanjalo-ke namanje tinikeleni kutsi nibe tigcili tekulunga kube kungcweliswa kwenu.

1 kubaseKorinthe 1:2

Iya ebandleni laNkulunkulu leliseKhorinte, kubo labangcwelisiwe kuKhristu Jesu, babitelwa kuba ngulabangcwele kanye nabo bonkhe, etindzaweni tonkhe, labakhuleka egameni laJesu Khristu, loyiNkhosi yabo neyetfu.

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

1 kubaseKorinthe 6:20

natsengwa ngelinani lelikhulu. Ngako-ke mdvumiseni Nkulunkulu emitimbeni yenu.

KubaseFiliphi 1:20

Ngukulangatelela nekwetsemba kwami kutsi ngibete emahloni, kepha ngibe nesibindzi, njengobe bengivele nginaso ngaso sonkhe sikhatsi, kutsi Khristu entiwe abe mkhulu emphilweni yami, nome kwenteka ngemphilo yami nome kwenteka ngekufa kwami.

KubaseFiliphi 2:17

Kukholwa kwenu kungumhlatjelo wenu lonikelwa kuNkulunkulu. Nome ingati yami beyingengetwa kuwo lomhlatjelo, mine bengingajabula, sijabule kanye nani nonkhe.

1 kubaseThesalonika 5:22

nikugege konkhe lokubonakala kukubi.

KumaHebheru 2:10

Konkhe lokukhona kukhona kuye nangaye Nkulunkulu. Ngako-ke kwakuvele kumfanele kutsi yena ente Jesu apheleliswe ngekuhlupheka; wamenta waba ngumvuli wendlela yekusindziswa kwemadvodzana lamanyenti ngekuwaletsa ebukhosini.

KumaHebheru 5:8

Nome abeyiNdvodzana, wafundza kulalela ngekuhlupheka kwakhe,