Levithikusi 7:12 - Siswati 1996 Bible

¹² Nangabe umuntfu enta umnikelo wekubonga, uyawuletsa lomhlatjelo kanye nemipotongwane lete imbiliso lebhicwe nemafutsa, nemicatsane lebhicwe nemafutsa nemacebelengwane laphekwe ngemphuphu lecolisakele lete imbiliso lebhicwe nemafutsa.

Levithikusi 7:12 Referencias Cruzadas

2 Tikhronike 29:31

Hezekiya wakhuluma, watsi: “Nyalo senitinikele nine matfupha kuSimakadze. Wotani niletse imihlatjelo kanye neminikelo yekubonga niyiletse ethempelini laSimakadze.” Ngako lonkhe libandla laletsa imihlatjelo kanye neminikelo yekubonga, kwase kutsi bonkhe lababenetinhlitiyo letivumako baletsa iminikelo yekushiswa.

2 Tikhronike 33:16

Wabe sewubuyisela lilati laSimakadze, wenta nemhlatjelo webudlelwane nemnikelo wekubonga etikwalo, watjela sonkhe sive sakaJuda kutsi asikhonte Simakadze, Nkulunkulu wema-Israyeli.

Nehemiya 12:43

Ngalelo langa banikela ngalemikhulu imihlatjelo bajabula, ngobe Nkulunkulu abebentele injabulo lenkhulu. Bafati nebantfwana nabo bajabula. Umsindvo wekujabula lowawuseJerusalema wawungevakala khashane kakhulu.

Tihlabelelo 107:8

Akabongwe Simakadze ngemusa wakhe, ngekwentela bantfu imisebenti lemangalisako:

Tihlabelelo 116:17

Ngiyawunikela kuwe ngemhlatjelo wekubonga, ngikhuleke kuSimakadze, ngibonga libito lakhe.

Tihlabelelo 50:23

Lowo lonikela umnikelo wekubonga, uyangidvumisa. Utiphendlela indlela, kutsi ngimkhombise insindziso yaNkulunkulu.”

Jeremiya 33:11

imisindvo yenjabulo neyentfokoto, nemaphimbo abomakoti nemyeni, kanye nemaphimbo alabo labaletsa iminikelo yekubonga endlini yaSimakadze, batsi: “ ‘ “Bongani Simakadze longuSomandla, ngobe Simakadze ulungile; umusa wakhe ume kuze kube phakadze.” Ngobe ngiyakutibuyisela tibusiso talelive tibe njengobe tatinjalo kucala,’ kusho Simakadze.

Hoseya 14:2

Tsatsani emavi nibuyele nawo kuSimakadze. Thandazani kuye, nitsi: “Sitsetselele tonkhe tono tetfu, usemukele ngemusa, khona sitewunikela ngetitselo temilomo yetfu.

Levithikusi 2:4

“Nangabe uletsa umnikelo walokutinhlavu longumpotongwane lophekiwe, kufanele kube ngulote imbiliso, lowentiwe ngafulaha wabhicwa nemafutsa emncumo nome-ke kube ngimicatsane legcotjiswe ngalawo mafutsa.

Levithikusi 2:5

“Nangabe lomnikelo walokutinhlavu utfoswa ngelikesi, kufanele wentiwe ngafulaha lobhicwe nemafutsa emncumo kodvwa kubete imbiliso lefakwako.

Levithikusi 22:29

Naninikela umhlatjelo wekubonga kuSimakadze, nibowunikelela kutsi wemukeleke esikhundleni senu.

Levithikusi 6:16

Lokuyawusala lapho kuyawudliwa bo-Aroni nemadvodzana akhe. Kuyawudliwa kungakafakwa imbiliso, kudlelwe endzaweni lengcwele; kufanele kudlelwe esibuyeni selithende lekuhlangana.

Levithikusi 7:15

Inyama yalesilwane kufanele idliwe ngalelo langa lenikelwe ngalo; akukafaneli ibekelwe likusasa.

Amose 4:5

Shisani sinkhwa senu lesinemvubelo kube ngumnikelo wekubonga, tigabatiseni ngeminikelo yenu yesihle. Gungubalani ngayo, nine ma-Israyeli, ngobe nguko loko lenitsandza kukwenta.

Numeri 6:15

Uyawunikela nangelibhasikidi linye letinkhwa letingenambiliso, nangemacebelengwane lentiwe ngafulaha lobhicwe nemafutsa emncumo, nangemicatsane legcotjiswe ngemafutsa emncumo, bese wengeta nangemnikelo wakhe walokutinhlavu neweliwayini.

Lukha 17:16

Yefika yatilahla phansi etinyaweni taJesu imbonga. Yona-ke beyingumSamariya.

Lukha 17:18

Akatfolakalanga namunye yini, lowabuyela emuva weta kutawubonga Nkulunkulu ngaphandle kwalomchamuki?”

KubaseRoma 1:21

ngobe batsi kantsi Nkulunkulu bayamati bangete bambonga bamnike neludvumo lolumfanele njengaNkulunkulu. Esikhundleni saloko imicabango yabo yaba lite, netinhlitiyo tabo taba mnyama.

Kubase-Efesu 5:20

Nimbonge njalo Nkulunkulu uYise ngako konkhe egameni leNkhosi yetfu Jesu Khristu.

KumaHebheru 13:15

Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.

1 yaPhetro 2:5

Nani-ke wotani kuyo, nibe ngematje laphilile, nakhiwe nibe yindlu yaMoya, khona-ke niyawuba baphristi labangcwele bekunikela imihlatjelo yaMoya, leyemukelekako kuNkulunkulu ngaJesu Khristu.