Levithikusi 6:5 - Siswati 1996 Bible

⁵ nome ngabe ufungele emanga, uyawukhokha inhlawulo lephelele, aphindze engete kwesihlanu ngetulu, akubuyisele kumnikati ngelilanga laletsa ngalo umnikelo wakhe welicala.

Levithikusi 6:5 Referencias Cruzadas

2 Samuweli 12:6

Kufanele akhokhe lelizinyane lalomuntfu seliphindvwe kane, ngobe wente intfo lembi, wayenta ngesibhuku.”

Nehemiya 10:35

“Siyawuvuma futsi nemtfwalo wekwenta inkonzo yekuletsa tonkhe titselo tekucala endlini yaSimakadze tato tonkhe tilimo tetfu netitselo tetfu ngayo yonkhe iminyaka.

Eksodusi 22:1

“Nangabe umuntfu ebe inkhomo nome imvu bese uyayibulala uyayitsengisa, kufanele akhiphe inkhokhelo yalenkhomo ibe tinkhomo letisihlanu, inkhokhelo yemvu ibe timvu letine.

Eksodusi 22:4

“Nangabe lesilwane lelisebile lelisela sitfolakale kulo sisaphila, nome yimbongolo, nome yimvu, liyawukwenana ngalokuphindvwe kabili.

Eksodusi 22:7

“Nangabe umuntfu avumile kulondvolotela lomunye imali nome letinye nje tintfo, bese letintfo tiyebiwa la endlini, lelisela nalitfolakele litawutenana ngalokuphindvwe kabili.

Eksodusi 22:9

“Nangabe kukhona kubangisana ngetimphahla nome ngetinkhomo, nome ngetimbongolo, nome ngetimvu, nome ngekwekwembatsa, nome ngabe yini lelahlekile, ngulowo nalowo atsi kwakhe, leyontfo kufanele iletfwe embikwaNkulunkulu. Lona lotawulahlwa nguNkulunkulu ngelicala, lenkhokhelo utayenana ngalokuphindvwe kabili.

Eksodusi 30:7

“Aroni utaboshisa imphepho lenuka kamnandzi, njalo nje ekuseni nakalungisa letibane.

Isaya 58:6

“Ngiyo lena yini inhlobo yekuzila kudla lengiyikhetsile? Akusiko yini kutfukulula tibopho tebubi, nekukhumula tintsambo telijoko, nekukhulula labacindzetelwe, nekwephula onkhe emajoko?

Isaya 58:9

Uyawumemeta, Simakadze akuphendvule, uyawukhala ucele lusito, atsi yena: ‘Ngilapha.’ “Nawususa lijoko lekucindzetela, nemino lekhombako, nekukhuluma ngenzondo,

Hezekeli 33:15

nangabe abuyisela loko lakutsatsa njengesibambiso seseboleko, abuyisele naloko lakweba, alandzele timiso tekuphila, angakwenti lokubi, ngempela uyawuphila; angeke afe.

Levithikusi 5:16

Kufanele abuyisele konkhe loko lehlulekile kukwenta macondzana nemiyalo lengcwele aphindze engete kwesihlanu. Loko uyawukunika umphristi, yena-ke uyawube sewunikela ngalesihhanca lesingumnikelo welicala. Uyawumentela kanjalo-ke inhlawulo yekubuyisana naSimakadze; lowo muntfu uyawube sewuyatsetselelwa.

Lukha 19:8

Zakewu wasukuma watsi eNkhosini: “Nkhosi, ngiyawukhipha incenye yalenginako ngenetise labaswele; futsi nakukhona lengimdlelele, ngitakubuyisela sekuphindvwe kane.”

1 Samuweli 12:3

Manje ngime lapha, fakazani ngebubi bami lapha embikwaSimakadze nakulogcotjiwe wakhe. Ngubani lengake ngadla inkhabi yakhe? Ngubani lengake ngadla imbongolo yakhe? Ngubani lengake ngamdlelela? Ngubani lengake ngamcindzetela? Tabani tandla lengake ngemukela kuto umdizo kuze ngivale emehlo ami? Nakukhona lengake ngakwenta kwaloku, ngifuna kukulungisa.”