Levithikusi 6:2 - Siswati 1996 Bible

² “Nangabe umuntfu ona, futsi angetsembeki kuSimakadze ngekutsi entele makhelwane wakhe bucili, nome ngekutsengiselana, nome ngekumhumusha, nome ngani,

Levithikusi 6:2 Referencias Cruzadas

Genesisi 26:7

Kwatsi nakabutwa ngemadvodza aleyo ndzawo ngemfati wakhe, yena watsi ngudzadzewabo. Abengeke avume kutsi ngumkakhe, ngobe abesaba emadvodza aleyo ndzawo kutsi angahle ambulale ngenca yaRebheka. Phela Rebheka abemuhle, abukeka.

Tihlabelelo 51:4

Ngonile kuwe, wena wedvwa, ngente lokunengekako emehlweni akho; ngako kwehlulela kwakho kumsulwa, nekungilahla kwakho ngelicala kulungile.

Taga 24:28

Ungabenti bufakazi bekulahla makhelwane wakho ngelicala ngaphandle kwesizatfu, ungamcaleli ngisho nemanga.

Taga 26:19

uyingoti kanjalo umuntfu loyenga makhelwane abese utsi: “Cha, mine bengidlala.”

Isaya 21:2

Ngikhonjiswe umbono lowesabekako: Bantfu labangemambuka bayatsengisana, baphangi batsatsa imphango. Hlaselani, nine ma-Elamu! Vimbetelani, nani maMede! “Ngitakucedza konkhe loko kububula lobekubangwa baseBhabhulona.”

Isaya 24:16

Siva kuhlabela kuchamuka emikhawulweni yemhlaba, kutsi: “Ludvumo kuLolungile!” Kodvwa mine ngatsi: “Ngiyahusheka! Ngiyahusheka! Maye kimi! Labenta luzungu bachubeka ngeluzungu! Luzungu lwekutsengisa labanye bantfu!”

Isaya 33:1

Maye kuwe, wena mbhubhisi, wena losengakabhujiswa! Maye kuwe, wena lolimbuka, wena losengakatsengiswa! Nawuyekela kubhubhisa, uyakubhujiswa nawe. Nawuyekela kutsengisa bantfu, uyakutsengiswa nawe.

Jeremiya 9:5

Umngani uyenga bangani, kute namunye lokhuluma liciniso. Bafundzise tilwimi tabo kukhuluma emanga; bayatiphuphisa bona ngekwenta sono.

Hezekeli 40:46

lelikamelo lelalibheke ngasenyakatfo lalilebaphristi lababekhonta elatini. Labaphristi kwakuyintalelwane yaSadoki, kwakungabo kuphela emalunga labewesive semaLevi labenelilungelo lekusondzela ebukhoneni baSimakadze ayewumkhonta.

Levithikusi 1:3

Nangabe anikela ngesilwane kutsi sibe ngumnikelo wekushiswa, kufanele aletse inkunzana lengenasiyela. Kufanele ayinikelele ekungeneni kwelithende lekuhlangana, khona Simakadze atewumemukela.

Levithikusi 19:11

“ ‘Ningebi, ningakhohlisani. Ningacalelani emanga.

Levithikusi 5:15

“Nangabe umuntfu ona ngekwephula munye walemiyalo lengcwele yaSimakadze angakacondzi, kufanele ahlawule kuSimakadze ngesihhanca lesingenasiyela. Bungako balesihhanca buyawubonwa nguwe ngekwesilinganiso sendzawo lengcwele; lowo-ke ngumnikelo loyinhlawulo yelicala.

Levithikusi 5:19

Lowo-ke ngumnikelo loyinhlawulo yelicala; empeleni abenelicala kuSimakadze.”

Levithikusi 6:1

Simakadze wakhuluma kuMosi watsi:

Amose 8:5

nikhuluma nitsi: “Ingabe umkhosi longcwele wekwetfwasa kwenyanga uyakwendlula nini, khona sitewutsengisa ngesivuno salokutinhlavu, neliSabatha litawuphela nini, khona sitewutsengisa ngakolo?” Ngaloko nentela kunciphisa tikali nenyuse intsengo, nitewuganga ngekusebentisa tikali letingekho emtsetfweni,

Habakhuki 1:13

Emehlo akho ahlanteke kakhulu kutsi angabuka bubi; ungeke ukubeketelele kuhlushwa kwalabacindzetelwe. Manje-ke ubabeketelelani laba labambulutako? Ubindzeleni ngesikhatsi lababi bamita labo labalunge kwengca bona?

Johane 8:44

Nine nibeyihlo Sathane. Nitsandza kwenta tinkhanuko teyihlo. Yena abevele angumbulali webantfu kusukela ekucaleni, akemi ecinisweni, ngobe liciniso kute kuye. Nakakhuluma emanga, ukhuluma intfo yakhe, ngobe ungumcambimanga neyise wawo onkhe emanga.

Imisebenti yebaPhostoli 5:4

Ngaphambi kwekutsi uyitsengise lendzawo bekungesiyo yakho yini? Nasewuyitsengisile beyingekho yini emandleni akho? Pho, utimiseleleni enhlitiyweni yakho kwenta intfo lenje? Awukacali emanga kubantfu kodvwa kuNkulunkulu.”

Kubase-Efesu 4:25

Ngako-ke lahlani emanga, akube ngulowo nalowo akhulume liciniso kumzalwane wakhe, ngobe sonkhe singemalunga lomunye kulomunye emtimbeni munye.

KubaseKholose 3:9

Ningakhulumelani emanga, ngobe senikhumule umuntfu lomdzala kanye nemikhuba yakhe.

Sembulo 22:15

Kepha ngephandle kunetinja, nebatsakatsi, netingwadla, netiphingi, nebabulali, nalabakhonta tithico, nabo bonkhe labatsandza kucala emanga ngekukhuluma nangetento.