Levithikusi 5:7 - Siswati 1996 Bible

⁷ “ ‘Nangabe lomuntfu angeke akhone kukhipha lizinyane lemvu, uyawuletsa ematuba lamabili nome emazini lamabili elivukutfu kuSimakadze, kube yinhlawulo yesono: linye libe ngumnikelo wesono, lelinye libe ngumnikelo wekushiswa.

Levithikusi 5:7 Referencias Cruzadas

Levithikusi 12:6

“ ‘Nangabe sekwendlule lamalanga akhe ekuhlanjululwa nome utele umfana nome intfombatana, kufanele aye kumphristi ekungeneni kwelithende lekuhlangana aletse lizinyane lemvu lelinemnyaka munye libe ngumnikelo wekushiswa, nelivukutfu nome lituba, libe ngumnikelo wesono.

Levithikusi 12:8

“ ‘Nangabe ehluleka kutfola lizinyane lemvu, kufanele aletse emavukutfu lamabili nome ematuba lamabili lasemancane, lelinye libe lemnikelo wekushiswa, lelinye libe lemnikelo wesono. Umphristi utawumentela inhlawulo yekubuyisana kuSimakadze, utawube sewuyahlambuluka.’ ”

Levithikusi 14:30

Nangabe lomuntfu angakhona, utawube sewunikela linye lalamavukutfu lamabili lasemancane.

Levithikusi 14:31

Umuntfu utawunikela ngaloko langakhona kukunikela, linye libe ngumnikelo wesono, lelinye libe ngumnikelo wekushiswa kanye nemnikelo walokutinhlavu. Ngako-ke umphristi utakwentela lowo lotewuhlanjululwa inhlawulo yekubuyisana kuSimakadze.”

Levithikusi 15:30

Umphristi utawunikela lelinye libe ngumnikelo wesono, lelinye libe ngumnikelo wekushiswa. Ngaleyo ndlela umphristi uyawumentela inhlawulo yekubuyisana kuSimakadze ngekungcola kwakhe kwekopha.

Levithikusi 16:5

“Aroni uyakwemukela esandleni sema-Israyeli tiphongo letimbili temnikelo wesono nesihhanca sinye semnikelo wekushiswa.

Levithikusi 27:8

“ ‘Nangabe lomuntfu amphofu kakhulu angakhoni kukhokha lenhlawulo loyibitako, lomuntfu kufanele aletse umuntfu kumphristi lotawubala inhlawulo yakhe lengakhonwa ngulowo muntfu.

Levithikusi 5:11

“ ‘Nangabe lomuntfu angeke akhone kukhokha ematuba lamabili nome emazini lamabili elivukutfu, kufanele aletse imphuphu lengaba yikhilogremu kutsi itewuba ngumnikelo wesono. Kufanele angayifaki emafutsa emncumo nome imphepho, ngobe ingumnikelo wesono.

Levithikusi 7:1

“ ‘Lena-ke ngimitsetfo lecondzene neminikelo yemacala, ngiminikelo lengcwelengcwele:

Levithikusi 9:3

Tjela lesive sema-Israyeli kutsi sitsatse imbuti letawuba ngumnikelo wesono, neliguca lenkhomo lelinemnyaka munye budzala kanye nelizinyane lemvu lelinemnyaka munye budzala, kokubili kungabi nasiyela kube ngumnikelo wekushiswa;

Numeri 5:6

“Tjela ema-Israyeli utsi: ‘Nangabe indvodza nome umfati ona nome ngaluphi luhlobo lwekungetsembeki kuSimakadze, lowo muntfu uyawuba nelicala,

Numeri 6:10

Kuyawutsi ngelilanga lesiphohlongo uyawuletsa ematuba lamabili nome emavukutfu lamancane lamabili kumphristi amnyango welithende lekuhlangana.

Numeri 6:11

Umphristi-ke uyawunikela linye libe ngumnikelo wesono, lelinye libe lemnikelo wekushiswa, amentele inhlawulo yekubuyisana, ngobe wonile ngenca yaleso sidvumbu. UmNaziri uyawutehlukanisela inhloko yakhe ngalona lelo langa lekuhlanjululwa,

Matewu 10:16

“Lalelani! Nginitfuma njengetimvu emkhatsini wetimphisi. Ngako-ke hlakaniphani njengetinyoka, nibete bucili njengematuba.

Matewu 21:12

Jesu wangena ethempelini, wakhipha bonkhe lababetsengisa nalababetsenga ethempelini, waketula ematafula alababentjintja timali, netitulo talabo lababetsengisa ematuba.

Matewu 3:16

Jesu watsi kube abhajatiswe, asakhuphukile emantini, kwavuleka lizulu, kwabonakala Moya waNkulunkulu anjengelituba, ehlela etikwakhe.

Lukha 2:24

banikele nangemnikelo njengekusho kwemtsetfo weNkhosi lotsi: “Ematuba lamabili nome emavukutfu lamabili lasemancane.”

2 kubaseKorinthe 8:12

Nangabe umuntfu atimisele ngekunikela, akukabhekeki kutsi anikele ngaloko late kona, kodvwa ubhekeke kunikela ngaloko lanako.