Levithikusi 5:16 - Siswati 1996 Bible

¹⁶ Kufanele abuyisele konkhe loko lehlulekile kukwenta macondzana nemiyalo lengcwele aphindze engete kwesihlanu. Loko uyawukunika umphristi, yena-ke uyawube sewunikela ngalesihhanca lesingumnikelo welicala. Uyawumentela kanjalo-ke inhlawulo yekubuyisana naSimakadze; lowo muntfu uyawube sewuyatsetselelwa.

Levithikusi 5:16 Referencias Cruzadas

Tihlabelelo 69:4

Banyenti kunetinwele tenhloko yami badlanga ngemandla labafuna kungibulala, labo labangitondza ngelite. Ngiphocelelwani kutsi ngikhishiswe intfo lengingakayebi?

Eksodusi 22:1

“Nangabe umuntfu ebe inkhomo nome imvu bese uyayibulala uyayitsengisa, kufanele akhiphe inkhokhelo yalenkhomo ibe tinkhomo letisihlanu, inkhokhelo yemvu ibe timvu letine.

Levithikusi 22:14

“Nakwenteka umuntfu adla umnikelo longcwele ngesiphosiso, kufanele ahlawule kumphristi, engete incenye yawo yesihlanu.

Levithikusi 27:13

Nangabe umniyo afuna kusihlenga, uyakwengeta incenye yesihlanu yenhlawulo yaso.

Levithikusi 27:15

Nangabe lomuntfu lonikela lendlu asafuna kuyihlenga, kufanele engete incenye yesihlanu yenhlawulo yayo, bese lendlu iphindze iba ngeyakhe.

Levithikusi 27:27

Nangabe litubulo kusilwane lesingcolile ngekwemtsetfo, umuntfu angalihlenga ngaleyo nhlawulo lesemtsetfweni, engete kulo incenye yesihlanu yenhlawulo yalo. Nangabe angalihlengi, kufanele litsengiswe ngalelo nani lalo lese libaliwe.

Levithikusi 27:31

Nangabe umuntfu afisa kuhlenga kwelishumi kwakhe, kufanele engete incenye yesihlanu yako enhlawulweni yako.

Levithikusi 4:20

Uyakwenta njalo nakulenkunzana njengobe entile ngaleyo nakenta ngayo umhlatjelo wesono; umphristi uyawubentela kanjalo-ke inhlawulo yekubuyisana naSimakadze, bese bayatsetselelwa.

Levithikusi 4:26

Uyawushisa onkhe lamanoni awashisele elatini, njengobe enta nakashisa emanoni emnikelo wekuthula; umphristi uyawumentela kanjalo-ke umholi inhlawulo yekubuyisana naSimakadze, bese lomholi uyatsetselelwa sono sakhe.

Levithikusi 5:10

Leli lelinye lesibili liyawuba lemnikelo wekushiswa, njengobe kusho umtsetfo. Umphristi uyawumentela kanjalo-ke inhlawulo yekubuyisana naSimakadze, bese-ke lomuntfu uyatsetselelwa sono sakhe.

Levithikusi 5:13

Umphristi uyawumentela kanjalo-ke umuntfu inhlawulo yekubuyisana naSikmakadze, nome sono sakhe ngabe saluphi luhlobo, uyawube sewuyatsetselelwa. Loku lokusele kufanele kube sabelo semphristi, njengobe kunjalo emnikelweni walokutinhlavu.’ ”

Levithikusi 5:6

Inhlawulo yaso kufanele kube lizinyane lelisikati, lemvu nome lembuti, kube ngumhlatjelo wesono kuSimakadze. Umphristi utamentela inhlawulo yekubuyisana kuSimakadze ngesono sakhe.

Levithikusi 7:2

Silwane lesingulomnikelo kufanele sibulawelwe lapho kubulawelwa khona tilwane letiletselwe kuba ngiminikelo yekushiswa, nengati yaso kufanele ifafatwe emngcengcemeni welilati ndzawo tonkhe.

Numeri 5:7

ngako kufanele avume sono sakhe lasentile, bese ukhipha inhlawulo lephelele ngaloko kona kwakhe, engete incenye yako yesihlanu, ayinike lowo lamonile.

Numeri 5:8

Kodvwa nangabe lomuntfu asafile ate nesihlobo sakhe sengati lapho lenhlawulo ingakhishwa khona, uyawuyiletsa kuSimakadze ibe yemphristi, kuletfwe nesihhanca kutsi sibe yinhlawulo yekubuyisana leyentelwe yena lamonile.

Lukha 19:8

Zakewu wasukuma watsi eNkhosini: “Nkhosi, ngiyawukhipha incenye yalenginako ngenetise labaswele; futsi nakukhona lengimdlelele, ngitakubuyisela sekuphindvwe kane.”

Imisebenti yebaPhostoli 26:20

kodvwa ngashumayela kusukela khona eDamaseko, naseJerusalema, nakulo lonkhe laseJudiya nakubetive ngimemetela kutsi abaphendvuke babuyele kuNkulunkulu bente imisebenti lekhombisa kuphendvuka.

1 Samuweli 6:3

Baphendvula batsi: “Nanibuyisela libhokisi laloNkulunkulu wema-Israyeli, ningacali nilibuyisele emuva liguncuta lodvwa. Nibetama ngawo onkhe emandla enu kutsi nilibuyisele kuye nemnikelo welicala. Nase nente njalo-ke, nitawuphila, nati nekwati kutsi bekwentiwa yini kutsi sandla sakhe singesuki etikwenu.”